Bakı, AzerVoice
Türkiyənin 2024-cü ilin yanvar-iyul aylarında mebel ixracı ötən ilin eyni dövrü ilə müqayisədə 1,8 faiz azalaraq 4 milyard 504 milyon dolları ötüb.
Bu barədə AzerVoice-a Türkiyə Ticarət Nazirliyindən bildiriblər.
“2024-cü ilin iyul ayında Türkiyənin dünya bazarlarına mebel ixracı 2023-ci ilin eyni ayı ilə müqayisədə 16,6 faiz artaraq, 707 milyon dollara bərabər olub”, – deyə məlumatda qeyd edilib.
Qeyd olunub ki, son 12 ay ərzində (iyul 2023-iyul 2024) Türkiyə 7 milyard 897 milyon dollar məbləğində mebel ixrac edib.
