BAKI, AzerVoice
2025-ci ilin may ayında Türkiyənin D - 8 ölkələrinə ixracatı 2024-cü ilin eyni ayı ilə müqayisədə 24,6 faiz azalaraq 864 milyon 619 min dollar olub.
Bu barədə AzerVoice - a Türkiyə Ticarət Nazirliyindən bildiriblər.
Məlumata əsasən bu ilin yanvar – may ayında, Türkiyənin D - 8 ölkələrinə ixracatı, keçən ilin analoji dövri ilə müqayisədə 4,5 faiz azalaraq, 4 milyard 61 milyon 469 min dollar olub.
“Bu ilin may ayında Türkiyənin D - 8 ölkələrindən idxalı 2024 -cü ilin eyni dövrü ilə müqayisədə 9,3 faiz azalaraq 1 milyard 469 milyon 897 min dollar təşkil edib” – deyə nazirlikdən bildiriblər.
Nazrilikdən bildiriblər ki, 2025-ci ilin yanvar – may aylarında Türkiyənin D - 8 ölkələrindən idxalı keçən ilin analoji dövrü ilə müqayisədə 3,7 faiz artaraq, 6 milyard 433 milyon 591 min dollar təşkil edib.
Qeyd edək ki, bu ilin may ayında Türkiyənin xarici ticarət dövriyyəsi 56 milyard 279 milyon dollar olub.
Nazirlikdən qeyd olunub ki, 2025-cü ilin may ayında Türkiyənin ixracatı 2024-cü ilin eyni ayı ilə müqayisədə 2,6 faiz artaraq 24 milyard 817 milyon dollar, idxalı isə 2,7 faiz artaraq 31 milyon 462 min dollar olub.
“Bu ilin yanvar – may ayında Türkiyənin xarici ticarət dövriyyəsi keçən ilin eyni ayları ilə müqayisədə 263 milyard 64 milyon dollara çatıb” –deyə nazirlikdən bildirilib.
Məlumatda bildirilib ki, 2025-cü ilin yanvar-may ayında Türkiyənin ixracatı 2023-cü ilin eyni dövrü ilə müqayisədə 3,4 faiz artaraq 110 milyard 904 milyon dollara, idxalı isə 5,8 faiz artaraq 152 milyard 160 milyon dollar olub.
Qeyd edək ki, keçən il Türkiyənin xarici ticarət dövriyyəsi 606 milyard 55 milyon dollara çatıb.
2024-cü ildə Türkiyənin ixracı 2023-ci ilin eyni dövrü ilə müqayisədə 2,4 faiz artaraq 261 milyard 855 milyon, idxalı isə 5 faiz azalaraq 344 milyard 20 milyon dollar olub.
