Türkiyədə Özbəkistan Şirkətlərinin Qeydiyyatı və Sərmayəsi artıb (ÖZƏL)

2025-ci ilin yanvar- noyabr ayında Türkiyədə Özbəkistan kapitalı ilə 64 şirkət qeydiyyata alınıb ki, bu da 2024-cü ilin eyni dövrü ilə müqayisədə 11 şirkət çoxdur. “Hesabat dövründə Türkiyədə qeydiyyata alınan Özbəkistan şirkətlərinin məcmu kapitalı 141 milyon 550 min türk lirəsi olduğu halda, 2024-cü ilin eyni dövründə bu rəqəm 101 milyon 207 min türk lirəsi təşkil edib”, – deyə TOBB-dan bildirilib. Qurumdan o da qeyd olunub ki, 2025-ci ilin yanvar - noyabr ayında Özbəkistan şirkətlərinin əksəriyyəti İstanbulda (59) qeydiyyata alınıb.

27 Dekabr 2025 10:09

BAKI, AzerVoice, Nailə Babazadə

2025-ci ilin yanvar- noyabr ayında Türkiyədə Özbəkistan kapitalı ilə 64 şirkət qeydiyyata alınıb ki, bu da 2024-cü ilin eyni dövrü ilə müqayisədə 11 şirkət çoxdur.

Bu barədə AzerVoice -ə Türkiyə Ticarət və Sənaye Palatasından (TOBB) məlumat verilib.

“Hesabat dövründə Türkiyədə qeydiyyata alınan Özbəkistan şirkətlərinin məcmu kapitalı 141 milyon 550 min türk lirəsi olduğu halda, 2024-cü ilin eyni dövründə bu rəqəm 101 milyon 207 min türk lirəsi təşkil edib”, – deyə TOBB-dan bildirilib.

Qurumdan o da qeyd olunub ki, 2025-ci ilin yanvar - noyabr ayında Özbəkistan şirkətlərinin əksəriyyəti İstanbulda (59) qeydiyyata alınıb.

“İstanbulda qeydiyyatdan keçən Özbəkistan şirkətlərinin ümumi kapitalı 78 milyon 900 min türk lirəsi təşkil edib”, – deyə TOBB-dan qeyd edilib.

Məlumata əsasən, 2025-cü ilin yanvar - noyabr ayında Türkiyədə Özbəkistan kapitalı ilə 33 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.