BAKI,AzerVoice
Tarix kitablarında adətən Fatihin üç dəfə taxta çıxdığı göstərilir. Bunlardan birincisi 1444-cü ildə atasının taxtı buraxması ilə, ikincisi Varna müharibəsindən sonra, üçüncüsü isə atasının öldüyü zaman kimi qeyd olunur. Ancaq Halil İnalcık bu məlumatın səhv olduğunu israrla vurğulayır.
Varna döyüşündə II Murad yenidən taxta çıxmamışdır. O, sadəcə ordunun komandanlığını öz üzərinə götürmüş, döyüşdən sonra isə Manisaya getmişdir. Bunu da oğlunun gələcəyi naminə etmişdi. Varna müharibəsindən sonra İslam ölkələrinə göndərilən fəthnamələr II Mehmed adına yazılmış, cavablar da ona ünvanlanmışdır. Bunlar açıq şəkildə göstərir ki, II Murad Varna döyüşü zamanı taxta yenidən çıxmamışdır.
Bu halda II Mehmedin iki dəfə taxta çıxdığı ortaya çıxır. II Murad 1451-ci il fevralın 3-də vəfat etdikdən sonra, Fatih fevralın 18-də taxta çıxmışdır. Bu isə üçüncü dəfə deyil, ikinci dəfə hakimiyyətə gəlməsi deməkdir.
