BAKI,AzerVoice
Son araşdırmalar göstərir ki, TikTok kimi platformalarda sürətli və qısa videolara uzun müddət baxmaq xüsusilə gənclərin və yetkinlərin psixoloji vəziyyətinə ciddi təsir edir. 98 mindən çox iştirakçının qatıldığı 71 elmi araşdırmanın nəticələrinə görə:
Qısa videolara nə qədər çox vaxt sərf olunursa, bir o qədər diqqət dağınıqlığı və özünü idarəetmə çətinlikləri yaranır.
Davamlı sürətli məlumat axını beyni həddən artıq stimullaşdırır və bu hal fokuslanma qabiliyyətini zəiflədir.
Eyni zamanda, stres və həyəcan (anksiyete) səviyyələri də müşahidəolunacaq dərəcədə yüksəlir.
Mütəxəssislər hesab edirlər ki, sosial şəbəkələrdə qısa videolara davamlı məruz qalmaq beynin mükafat sistemini dəyişdirir, asılılıq yaradır və real həyatda diqqət toplamağı çətinləşdirir. Buna görə də, oyunlar və qısa video trendi ilə bağlı “sürətli istehlak mədəniyyəti” psixoloji sağlamlıq üçün risk amili sayılır.
