BAKI, VOA, Nailə Babazadə

İran Kəşfiyyat Nazirliyi "İsrail əsgərləri" olduqları iddiası ilə 97 nəfəri həbs edib. Dövlət mediasının cümə axşamı verdiyi məlumata görə, bu, müharibənin başlanğıcından bəri yüzlərlə insanın İsrail və ABŞ ilə əlaqəli olduqları iddiası ilə saxlanıldığı təhlükəsizlik əməliyyatlarının son mərhələsidir.

VOA xəbər verir ki, bundan əvvəl, cümə axşamı səhər saatlarında Alborz vilayətinin polis rəisi xaricdəki müxalif media kanallarına video göndərdikləri üçün 41 nəfərin həbs edildiyini bildirib.

Məlumata görə, ABŞ-İsrail müharibəsi zamanı İranda 1300-dən çox insan həyatını itirib. İsraildə isə İranın raket atəşi nəticəsində 15 nəfər ölüb ki, onlardan biri də ötən gecə qəlpə yarasından vəfat edən Tailandlı kənd təsərrüfatı işçisidir.

Fələstin Qırmızı Aypara Cəmiyyəti işğal altındakı İordan çayının qərb sahilində İranın raket zərbəsi nəticəsində üç nəfərin öldüyünü açıqlayıb. Hücumlar zamanı ən azı 13 ABŞ hərbçisinin də həlak olduğu bildirilir.