İmam Əbu İsa ət-Tirmizinin məşhur "əş-Şəmail əl-Muhəmmədiyyə" əsərinin xülasəsi əsasında hazırlanan "Allah Rəsulunun ənbər ətirli şəmaili" kitabı işıq üzü görüb.
Şeyx Əbdürrəhman Şələş tərəfindən xülasə və şərh edilən nəşr Vəqflər naziri, tanınmış İslam alimi professor Üsamə əl-Əzhərinin rəhbərliyi altında oxuculara təqdim edilib.
Əsərin Azərbaycan dilinə tərcüməsi Dr. Seymur Nəsirovun təşəbbüsü və elmi redaktorluğu ilə ərsəyə gəlib. Kitabı dilimizə Dr. Qafar Ocaqlı tərcümə edib, nəşrin redaktoru isə Nilufər Ocaqlıdır.
Kitab Həzrət Məhəmməd Peyğəmbərin (s.ə.s.) "şəmail"indən — onun fiziki xüsusiyyətlərindən, zahiri görünüşündən, uca əxlaqından, gündəlik həyat tərzi və davranışlarından bəhs edir. Nəşrin əsas qayəsi Peyğəmbərin (s.ə.s.) təkcə xarici təsvirini deyil, həm də onun həyat fəlsəfəsini və mənəvi ucalığını oxuculara çatdırmaqdır.
Qedy edək ki, kitab başda Azərbaycan dili olmaqla kitab Misirin Vəqflər Nazirliyi tərəfindən tərcümə edilib və aləmlərə rəhmət olaraq göndərilən həzrəti Məhəmmədin mövlüd günü keçirilən tədbirdə Misir prezidenti Əbdülfəttah Əl-Sisiyə hədiyyə olaraq təqdim edilib.
Tədbirdə Azərbaycanın İslam dünyasında əvəzsiz rolu xüsusi olaraq qeyd edilib.
