BAKI, VOA, Orxan Qədirzadə
Bəhreyn Müdafiə Qüvvələri ölkə ərazisinə yönəlmiş hücumlarla bağlı yeni statistik məlumat açıqlayıb və hava məkanının qorunması istiqamətində həyata keçirilən əməliyyatların nəticələrini təqdim edib.
VOA xəbər verir ki, rəsmi açıqlamaya əsasən, İran tərəfindən başladıldığı bildirilən hücumlar çərçivəsində Bəhreyn istiqamətinə atılan 174 raket və 391 pilotsuz uçuş aparatı zərərsizləşdirilib.
Məlumata görə, hava hücumundan müdafiə sistemləri bu təhdidlərin böyük hissəsini havada məhv edərək ölkə ərazisinə düşməsinin qarşısını alıb. Bəzi hallarda isə təhlükələrin təsir zonası minimum səviyyəyə endirilib.
Bəhreyn tərəfi qeyd edib ki, davam edən təhlükəsizlik çağırışları fonunda hava məkanının qorunması üçün bütün texniki və operativ imkanlar səfərbər olunub. Müdafiə qüvvələri istənilən hücum cəhdinə qarşı operativ reaksiya verməyə hazır vəziyyətdə saxlanılır.
