İranın Milli Neft Şirkətinin rəsmisi İsrailin Cənub Pars qaz yatağındakı emal zavodlarına endirdiyi zərbələr nəticəsində yaranmış bütün dağıntıların ərazidən təmizləndiyini bildirib. Hazırda istehsal gücünün bərpası istiqamətində işlərin davam etdiyi açıqlanıb.

ArabAZ xəbər verir ki, İran Milli Neft Şirkətinin inteqrasiya olunmuş işlər üzrə direktor müavini Fərrux Əlikhani hər bir emal zavodunda təxminən 4 min ton dağıntının olduğunu bildirib.

Onun sözlərinə görə, dağıntılar arasında məhv edilmiş, ərimiş və parçalanmış metal konstruksiyalar və avadanlıqlar olub.

Əlikhani dağıntıların toplanması və ərazinin təmizlənməsinin olduqca çətin əməliyyat olduğunu qeyd edib.

O bildirib ki, hazırda istehsal gücünün bərpası istiqamətində işlər aparılır.

Cənub Pars dünyanın ən böyük təbii qaz yatağının İran ərazisində yerləşən hissəsidir. Yatağın digər hissəsi Qətərin ərazisində yerləşir.

İsrail mart ayında Cənub Parsın İran hissəsinə zərbələr endirib. Hücum nəticəsində böyük yanğın baş verib və Tehrandan belə görünən geniş tüstü buludu yaranıb.