BAKI,VOA, Nailə Babazadə

İsrail ordusunun yaydığı rəsmi bəyanatda ABŞ qüvvələri ilə birgə İranda həyata keçirilən hava əməliyyatlarının intensivləşdiyi bildirilir.

VOA xəbər verir ki, məlumata görə, son 48 saat ərzində İranın müxtəlif bölgələrində yerləşən 40-dan çox silah istehsalı müəssisəsi hədəf alınıb.

Ötən gecə paytaxt Tehran istiqamətində təşkil edilən hava hücumları zamanı strateji əhəmiyyətli hərbi zavodlara 80-dən çox bombanın atıldığı iddia olunur. İsrail qırıcılarının hədəfləri arasında uzaqmənzilli zenit raketlərinin quraşdırılması fabrikləri, tank əleyhinə raket komponentlərinin istehsalı müəssisələri və ballistik raket mühərriklərinin hazırlandığı nəhəng komplekslər yer alıb.

Xatırladaq ki, fevralın 28-də Vaşinqton və Tehran arasında diplomatik danışıqların davam etdiyi bir məqamda ABŞ və İsrail İrana qarşı genişmiqyaslı hərbi əməliyyat başladmışdı. Bu hücumlar nəticəsində İranın ali lideri Əli Xamenei də daxil olmaqla bir çox yüksək rütbəli rəsmi həyatını itirib. İran isə cavab olaraq Qətər, BƏƏ və Bəhreyn kimi ölkələrdəki ABŞ bazalarına zərbələr endirməyə davam edir.