BAKI,VOA, Fərid Mikayılov

İran ABŞ-a məxsus ikinci F-35 qırıcı təyyarəsini vurduğunu iddia edib, lakin Vaşinqton bu məlumatları şübhə altına alır.

VOA xəbər verir ki, İranın İnqilab Keşikçiləri Korpusu (SEPAH) ilə əlaqəli Fars Xəbər Agentliyinin yaydığı məlumata görə, ABŞ-a məxsus F-35 qırıcı təyyarəsi ölkənin mərkəzi əraziləri üzərində uçuş zamanı vurulub.

Bildirilir ki, təyyarə tamamilə məhv olub və güclü partlayış səbəbindən pilotun taleyi barədə hər hansı məlumat yoxdur.

İranın Mehr Xəbər Agentliyi də qeyd edib ki, partlayışın şiddəti səbəbindən pilotun katapult etməsinin mümkün olmadığı ehtimal edilir.

Bununla belə, ABŞ Mərkəzi Komandanlığı məsələ ilə bağlı rəsmi reaksiya verməyib. Qeyd edək ki, daha əvvəl də SEPAH-ın ABŞ qırıcı təyyarəsini vurduğu ilə bağlı iddiaları Vaşinqton tərəfindən təkzib edilmişdi.

Hazırda hadisə ilə bağlı müstəqil təsdiq mövcud deyil və tərəflərin ziddiyyətli açıqlamaları davam edir.