BAKI,VOA, Nailə Babazadə
İranın rəsmi xəbər agentliyi IRNA-nın məlumatına görə, Qərbi Azərbaycan əyalətinin Böhran İdarəetmə idarəsinin rəisi Həmid Səffari məsələ ilə bağlı açıqlama verib.
VOA xəbər verir ki, Səffari bildirib ki, "Urmiya Hava Limanı və digər bəzi nöqtələr ABŞ və sionist düşmən tərəfindən atılan raketlərlə hədəf alınıb". Dəymiş ziyan barədə məlumat paylaşmayan rəsmi nümayəndə hücumdan sonra təcili yardım briqadalarının bölgəyə sövq edildiyini bildirib.
Digər tərəfdən, Xuzistan valiliyindən edilən açıqlamada Xürrəmşəhr şəhərində yerləşən iki gəmiqayırma şirkətinin növbəti dəfə hava hücumuna məruz qaldığı qeyd olunub. Şəhəri bürüyən tüstü dumanının bu hücumlar səbəbindən yarandığı bildirilsə də, can itkisinin olmadığı vurğulanıb. Yəzd valiliyinin bəyanatında isə ABŞ və İsrailin Yəzd şəhərinə də hücum etdiyi, lakin burada da itkilərin qeydə alınmadığı diqqətə çatdırılıb.
