BAKI,VOA

ABŞ-ın "NBC News" telekanalının Ağ Evin sözçüsünə istinadən verdiyi məlumata görə, Prezident Donald Trampın apardığı qətiyyətli siyasət nəticəsində İran Hörmüz boğazını yenidən naviqasiya üçün açmağa razılıq verib.

VOA xəbər verir ki, Ağ Ev rəsmisi vurğulayıb ki, bu nəticə həm diplomatik təzyiq, həm də ABŞ ordusunun gücü sayəsində mümkün olub.

"Prezident Tramp bizim güclü ordumuzla birlikdə İranı Hörmüz boğazını yenidən açmağa sövq etməkdə böyük uğur qazandı."-deyə Ağ Evdən verirlən bəyanatda deyilir.

Bu açıqlama Trampın İrana qarşı qoyduğu ultimatumun və regiondakı intensiv hərbi əməliyyatların birbaşa nəticəsi kimi qiymətləndirilir. Boğazın açılması qlobal neft bazarında gərginliyi azaltmaqla yanaşı, ABŞ-ın regiondakı strateji hədəflərinə nail olduğunu nümayiş etdirir. Ağ Ev bu addımı "güc yolu ilə sülh" strategiyasının bariz nümunəsi kimi təqdim edir.

Analitiklər qeyd edirlər ki, boğazın naviqasiyaya açılması Pakistanın vasitəçiliyi ilə əldə olunan iki həftəlik atəşkəs rejiminin qüvvəyə minməsi üçün əsas texniki şərt idi.