BAKI,VOA

İran prezidenti Məsud Pezeşkian ABŞ ilə əldə olunan atəşkəs razılaşmasına münasibət bildirərək, bu nəticəni ölkənin "şəhid lideri" Ayətullah Əli Xameneinin fədakarlığı ilə əlaqələndirib.

VOA xəbər verir ki, prezident Pezeşkian rəsmi açıqlamasında bildirib ki, İranın maraqlarına uyğun olan prinsiplərin qəbul edilməsi ilə əldə olunan bu atəşkəs təsadüfi deyil.

"Bizim arzuladığımız ümumi prinsiplərin qəbul edilməsi ilə atəşkəsin əldə olunması rəhbərimiz şəhid Xameneinin qanının bəhrəsidir."

Pezeşkian həmçinin vurğulayıb ki, İran bundan sonra həm hərbi, həm də siyasi cəbhədə daha sıx birləşməlidir.

"Bundan sonra həm diplomatiya meydanında, həm də müdafiə sahəsində birliyimizi qoruyub saxlayacağıq."-deyə o qeyd edib