İordaniya və Bəhreyn liderləri Yaxın Şərqdəki vəziyyəti müzakirə edib
İordaniya Kralı II Abdullah və Bəhreyn Kralı Həməd bin İsa Al Xəlifə Yaxın Şərqdəki son vəziyyəti müzakirə ediblər.Bu barədə VOA İordaniya Xəbər Agentliyi və Bəhreyn Xəbər Agentliyinə istinadən məlumat verir.
İran ABŞ-də aralıq seçkilərinin nəticəsini gözləyir
Professor Sultan Bərəkət İranın ABŞ-də keçiriləcək aralıq seçkilərinin nəticəsini gözlədiyini bildirib. Tehranın seçkilərdən sonra Vaşinqtonun İran siyasətinin dəyişəcəyinə ümid etdiyi qeyd olunur. Ekspert hesab edir ki, Demokratlar Partiyasının mövqelərinin güclənməsi müharibənin dayandırılması və danışıqların bərpası istiqamətində təzyiq yarada bilər. Bərəkət İranın bu hesablamasını böyük siyasi risk kimi qiymətləndirir. Onun fikrincə, Donald Tramp bu müddətdə əvvəllər gözlənilməyən addımlar ata bilər. Ekspert qarşıdurmanın iqtisadi baxımdan əsas zərərçəkənlərinin Körfəz ölkələri olduğunu bildirir. Bölgə dövlətlərinin altı aydan çoxdur iqtisadi təzyiqlə üzləşdiyi vurğulanır. Bərəkət böhranın həlli üçün Körfəz ölkələrinin İranla birbaşa danışıqlar istiqamətində vahid mövqe ortaya qoymadığını qeyd edir.
Küveyt İranın raket və PUA hücumunun qarşısını alıb
Küveyt hava hücumundan müdafiə qüvvələri İran tərəfindən ölkəyə yönəldilən raket və pilotsuz uçuş aparatları (PUA) ilə hücumun qarşısını alıb.Bu barədə VOA məlumat verir. Küveyt ordusu hava hücumundan müdafiə sistemlərinin hazırda İranın raket və PUA hücumlarına qarşı mübarizə apardığını açıqlayıb.İran dövlət televiziyası isə hücumların Küveytdəki ABŞ hərbi bazalarını hədəf aldığını bildirib. Tehran hücumların ABŞ-ın İrana qarşı son zərbələrinə cavab olaraq həyata keçirildiyini açıqlayıb.
Tramp İrana xəbərdarlıq edib - Cavab versəniz, daha güclü zərbələr endiriləcək
ABŞ Prezidenti Donald Tramp İran ərazisindəki hədəflərə qarşı genişmiqyaslı hücumların davam etdiyini açıqlayıb. O, zərbələrin Hörmüz boğazı yaxınlığındakı İran hədəflərinə endirildiyini bildirib. Tramp hücumların İranın boğaza dəniz minaları yerləşdirmək cəhdinə cavab olduğunu iddia edib. ABŞ Prezidenti, həmçinin İranın İordaniyadakı ABŞ hərbi bazasına səkkiz raket atdığını bildirib. Onun sözlərinə görə, həmin raketlərin hamısı zərərsizləşdirilib. Tramp Hörmüz boğazındakı minaların tamamilə təmizləndiyini və ya məhv edildiyini iddia edib. ABŞ Prezidenti İranın cavab hücumu həyata keçirəcəyi təqdirdə daha güclü zərbələrin endiriləcəyini bildirib. O, Vaşinqtonun bundan da genişmiqyaslı hərbi əməliyyat həyata keçirə biləcəyi barədə Tehrana xəbərdarlıq edib.
İran Hörmüz boğazı ilə bağlı ABŞ-ın iddialarını təkzib etdi
İran İslam İnqilabı Keşikçiləri Korpusunun Hərbi Dəniz Qüvvələri Hörmüz boğazının açıq olması barədə ABŞ-ın iddialarını rədd edib. VOA xəbər verir ki, korpusun yaydığı bəyanatda ABŞ-ın bu açıqlamalarının neft qiymətlərinə nəzarət etmək və Vaşinqtonun uğursuzluqlarını gizlətmək cəhdi olduğu bildirilib. İran tərəfi boğazın İranın icazəsi olmadan gəmilər üçün bağlı olaraq qaldığını açıqlayıb.
İran təhdidlər altında heç bir saziş imzalamayacaq - SEPAH
İran İslam İnqilabı Keşikçiləri Korpusunun (SEPAH) media orqanı ABŞ-nin hərbi təhdidləri davam etdiyi müddətdə İranın heç bir razılaşma imzalamayacağını bəyan edib. Adı açıqlanmayan rəsmiyə istinadən yaydığı məlumata görə, Hörmüz boğazı ilə bağlı İran və Oman arasında aparılan danışıqlarda yekun razılaşmanın əldə olunmamasının əsas səbəbi ABŞ-nin müdaxiləsi və Vaşinqtonun təhdidləridir.
ABŞ-ın müttəfiqləri güclü hücumlara məruz qala bilər – Tehran
Xatəm əl-Ənbiya Mərkəzi Komandanlığı ABŞ-ı İranın nüvə və digər həssas obyektlərinə hər hansı hücumdan çəkinməsi barədə xəbərdar edib. Bəyanatda həmçinin ABŞ-ın, onun müttəfiqlərinin və dəstəkçilərinin bütün maraqlarının İran Silahlı Qüvvələri tərəfindən güclü hücumlara məruz qalacağı vurğulanıb.
Dərin qeyri-müəyyənlik... Tehranda qərar qəbuletmə aparatı dağılıbmı?
İran və ABŞ arasında qarşıdurmanın yenidən kəskinləşməsi fonunda strateji diqqət nüvə proqramından Hörmüz boğazına yönəlib. Hazırkı mərhələdə əsas sual İranın uranı zənginləşdirib-zənginləşdirməyəcəyi deyil, Hörmüz boğazının beynəlxalq gəmiçilik üçün təhlükəsiz və fasiləsiz açıq qalıb-qalmayacağıdır. Münaqişənin əvvəlki mərhələsində diplomatik səylər İranın nüvə proqramı, uranın zənginləşdirilməsi səviyyəsi, beynəlxalq yoxlamalar, sanksiyaların yumşaldılması və Tehranın yeni məhdudiyyətləri qəbul edib-etməməsi ətrafında cəmləşirdi. Lakin hərbi əməliyyatların yenidən başlaması ilə strateji ağırlıq mərkəzi dəyişərək Hörmüz boğazına keçib.
Trampın xüsusi nümayəndəsi İranla danışıqlar üçün İsveçrəyə gedib
ABŞ-ın Yaxın Şərq üzrə xüsusi nümayəndəsi Stiv Uitkoffun İranla mümkün danışıqlar üçün İsveçrəyə yola düşdüyü iddia olunur. Məlumata əsasən, ABŞ prezidenti Donald Trampın kürəkəni Cared Kuşnerin də hazırda İsveçrədə olduğu iddia edilir. Eyni zamanda İranın xarici işlər naziri Abbas Əraqçinin də İsveçrəyə səfər planının olduğu, lakin bunun dəyişə biləcəyi qeyd olunub.
Ankara regional sülhün təmin edilməsində həlledici addımları dəstəkləyir - Türkiyə MN
Türkiyə Respublikası Milli Müdafiə Nazirliyi (MSB) Amerika Birləşmiş Ştatları (ABŞ) və İran İslam Respublikası arasında hərbi gərginliyin və münaqişələrin dayandırılması məqsədilə əldə olunan rəsmi memorandumu dəstəklədiyini bəyan edib. Regional təhlükəsizlik və müdafiə sənayesi mövzularına toxunan nazirlik sözçüsü, Vaşinqton və Tehran arasında əldə edilən sülh addımını Ankaranın rəsmən alqışladığını bildirib.
ABŞ-İran münaqişəsinin genişlənməsi bizi ciddi narahat edir - Hakan Fidan
"Tərəflərin bir an əvvəl qarşılıqlı hücumlarını, zərbələrini dayandırıb müzakirə masasına qayıtmalarını və tamamlamağa çox yaxın olduqları mətn üzərində işi bitirmələrini tövsiyə edirik. Bizim də səylərimiz, fəaliyyətimiz bu istiqamətdədir. Gərginliyin artmasının, yenidən genişmiqyaslı müharibə mühitinə qayıdılmasının heç kimə faydası yoxdur. Nə qədər çətin olsa da, müzakirələrin yekun nöqtəyə çatdırılması əsas məqsəd olmalıdır.
Çin ABŞ və İrana müraciət etdi: Müharibəni dayandırın
ABŞ və İran arasında hərbi gərginliyin eskalasiya etməsi və qarşılıqlı raket zərbələrinin endirilməsi fonunda rəsmi Pekin Yaxın Şərqdəki vəziyyətlə bağlı beynəlxalq birliyə təcili çağırış edib. Çin Xarici İşlər Nazirliyi regionda alovlanan hərbi əməliyyatların dərhal dayandırılmasını tələb edib.
