BAKI,VOA, Fərid Mikayılov
ABŞ və İran arasında hərbi gərginliyin eskalasiya etməsi və qarşılıqlı raket zərbələrinin endirilməsi fonunda rəsmi Pekin Yaxın Şərqdəki vəziyyətlə bağlı beynəlxalq birliyə təcili çağırış edib. Çin Xarici İşlər Nazirliyi regionda alovlanan hərbi əməliyyatların dərhal dayandırılmasını tələb edib.
VOA xəbər verir ki, nazirliyin mətbuat katibi Lin Jian Pekində keçirilən brifinqdə jurnalistlərin Yaxın Şərqdəki son hərbi böhranla bağlı suallarını cavablandırarkən Çinin rəsmi mövqeyini açıqlayıb:
"Çin tərəfləri hərbi əməliyyatları dərhal dayandırmağa, dialoq və danışıqlar masasına qayıtmağa, vasitəçi ölkələrin səylərinə müsbət cavab verməyə və mümkün qədər tez bir zamanda hərtərəfli, dayanıqlı atəşkəsə nail olmağa çağırır."
Çin Xarici İşlər Nazirliyi bəyanatında region ölkələrinin təhlükəsizliyinə, suverenliyinə və ərazi bütövlüyünə hörmətlə yanaşılmasının vacibliyini xüsusi olaraq vurğulayıb. Rəsmi Pekin ABŞ-ın İrandakı hədəflərə zərbə endirməsi və Tehranın buna hərbi cavab verməsindən sonra yaranan böhranın qlobal iqtisadiyyat və sabitlik üçün risk yaraddığını diqqətə çatdırıb.
