ABŞ və Çin sentyabrda süni intellekt təhlükəsizliyi üzrə danışıqlara hazırlaşır
ABŞ və Çin sentyabrın ortalarında süni intellekt təhlükəsizliyi ilə bağlı ilk xüsusi ikitərəfli danışıqları keçirməyə hazırlaşır və əsas diqqət kiberhücum riskləri ilə əməkdaşlıq imkanlarına yönələcək.
ABŞ avtomobil istehsalçıları Çin maşınlarının ölkəyə girişinin qadağan edilməsini istəyir
ABŞ-nin iri avtomobil istehsalçılarını təmsil edən Avtomobil İnnovasiyaları Alyansı Çin avtomobillərinin ölkə bazarına girişinin qadağan edilməsini istəyir. Təşkilat Konqresi müvafiq qanunu ilin sonunadək qəbul etməyə çağırıb. Alyans “General Motors”, “Ford”, “Toyota”, “Volkswagen”, “Hyundai”, “Honda” və digər iri istehsalçıları təmsil edir. Təşkilat Çin avtomobillərinin proqram və texniki avadanlıqlarını milli təhlükəsizlik məsələsi kimi qiymətləndirir. ABŞ Senatının Ticarət Komitəsi iyulda mövcud məhdudiyyətləri sərtləşdirən qanun layihəsini təsdiqləyib. Lakin layihə hələ yekun şəkildə qəbul edilməyib. Alyans “BYD”, “Chery” və “SAIC Motor” kimi şirkətlərə xüsusi icazələrin verilməsinin də qarşısının alınmasını istəyir. Çin isə avtomobil ixracına qarşı ABŞ-nin məhdudlaşdırıcı addımlarına etiraz edir.
Misirin Çinə ixracı ilin ilk yarısında 200 faizə yaxın artıb
Misirin Çinə ixracı 2026-cı ilin ilk altı ayında illik ifadədə təxminən 200 faiz artaraq 840,8 milyon dollara çatıb.Bu barədə VOA Misirin Mərkəzi İctimai Səfərbərlik və Statistika Agentliyinin (CAPMAS) məlumatlarına istinadən xəbər verir. 2025-ci ilin eyni dövründə bu göstərici 280,5 milyon dollar təşkil edib.
Azərbaycan və Çin arasında bərpa olunan enerji sahəsində əməkdaşlıq müzakirə olunub
“AzərEnerji” ASC və Çinin “Universal Energy” şirkəti arasında əməkdaşlıq müzakirə olunub.Bu barədə “AzərEnerji” ASC məlumat yayıb.Bildirilib ki, “AzərEnerji” ASC-nin İdarə Heyətinin sədri Baba Rzayevlə Çinin “Universal Energy” şirkətinin baş icraçı direktoru Yi Nan arasında görüş keçirilib.
Fələstin məsələsi heç vaxt diqqətdən kənarda qalmamalıdır - Si Cinpin
Çin Prezidenti Si Cinpin Fələstin məsələsinin Yaxın Şərq probleminin əsasını təşkil etdiyini bildirib. O, Fələstin məsələsinin heç vaxt diqqətdən kənarda saxlanılmamalı və ikinci plana keçirilməməli olduğunu vurğulayıb. Çin lideri bu fikirləri Qahirədə Misir Prezidenti Əbdülfəttah əs-Sisi ilə danışıqları zamanı səsləndirib. Si Cinpin Yaxın Şərq ölkələrinin bölgə üçün yeni təhlükəsizlik sistemi yaratmaq səylərini dəstəklədiyini bildirib. O, ümumi təhlükəsizliyin təmin edilməsi üçün hərtərəfli həll yolunun tapılmasına çağırıb. Çin Prezidenti BMT-nin bölgədə təsirli rolunun dəstəklənməsini də vacib hesab edib. Hörmüz boğazındakı gərginliyə toxunan Si Cinpin beynəlxalq dəniz yollarının təhlükəsizliyinin qorunması üçün Yaxın Şərq ölkələri ilə əməkdaşlığa hazır olduqlarını bildirib. Si Cinpinin Qahirəyə hazırkı səfəri onun son 10 ildə Misirə ilk səfəridir.
Si Cinpin Yaxın Şərqə xarici müdaxilənin dayandırılmasını istəyib
Çin Prezidenti Si Cinpin Yaxın Şərqdə xarici müdaxilənin rədd edilməsinə çağırıb. O, xarici qüvvələrin bölgəyə münasibətdə ikili yanaşmadan imtina etməli olduğunu bildirib. Çin lideri bu fikirləri Qahirədə Misir Prezidenti Əbdülfəttah əs-Sisi ilə görüşü zamanı səsləndirib. Açıqlama barədə Çinin dövlət xəbər agentliyi “Sinxua” məlumat yayıb. Si Cinpin bölgə məsələlərində Yaxın Şərq ölkələrinin mövqeyinə hörmət edilməsinin vacibliyini vurğulayıb. O, xarici qüvvələrin müdaxiləsinin bölgədəki vəziyyətə təsirinə diqqət çəkib. Çin Prezidentinin açıqlaması Yaxın Şərqdə hərbi və siyasi gərginliyin artdığı bir vaxta təsadüf edir. Görüşdə bölgədəki mövcud vəziyyət ətrafında fikir mübadiləsi aparılıb.
Ərdoğan Türkiyənin Şanxay Əməkdaşlıq Təşkilatına potensial üzvlüyündən danışıb
Türkiyə Prezidenti Rəcəb Tayyib Ərdoğan NATO üzvü olan ölkəsinin Çin və Rusiyanın rəhbərlik etdiyi təhlükəsizlik bloku — Şanxay Əməkdaşlıq Təşkilatı (ŞƏT) ilə münasibətlərini daha yüksək səviyyəyə qaldırmaq imkanını nəzərdən keçirməyə hazır olduğunu bildirib.
Si Cinpinin Misir səfəri: Çin ABŞ-ın Yaxın Şərqdəki təsirinə meydan oxuyur
Çin Prezidenti Si Cinpinin Misirə səfəri Pekinlə Qahirə arasında iqtisadi və diplomatik əlaqələrin möhkəmləndirilməsindən daha geniş məna daşıyır. VOA xəbər verir ki, Çin ABŞ-ın Yaxın Şərqdəki əsas müttəfiqlərindən biri olan Misirlə əlaqələrini genişləndirərək regionda təsir imkanlarını artırmağa çalışır. Si Cinpin səfər çərçivəsində Misir Prezidenti Əbdülfəttah əs-Sisi ilə görüşəcək
Abbas Əraqçi Bişkekdə bir sıra ölkələrin xarici işlər nazirləri ilə görüşüb
İranın xarici işlər naziri Abbas Əraqçi Bişkekdə keçirilən Şanxay Əməkdaşlıq Təşkilatının toplantısı çərçivəsində bir sıra həmkarları ilə görüşüb. O, Rusiya, Pakistan, Tacikistan, Özbəkistan və Qazaxıstanın xarici işlər nazirləri ilə danışıqlar aparıb. İran Prezidenti Məsud Pezeşkian da sammitin ikinci günü tədbirə qatılıb. İranın dövlət xəbər agentliyi prezidentin sammit məkanına gəldiyini bildirib. Əraqçi daha əvvəl Çin Xarici İşlər naziri Van İ ilə də görüşüb. Bu təmaslar İranın sammit çərçivəsində fəal diplomatik fəaliyyət göstərdiyini nümayiş etdirir.
Özbəkistan ŞƏT-ə süni intellekt sahəsində tərəfdaşlıq təklif edir
Özbəkistan Şanxay Əməkdaşlıq Təşkilatı (ŞƏT) ilə Çin Prezidenti Si Cinpinin təklif etdiyi süni intellekt sahəsində əməkdaşlıq üzrə yeni beynəlxalq qurum arasında tərəfdaşlıq yaradılması təşəbbüsünü irəli sürüb.
Qazaxıstan ŞƏT İnkişaf Bankının yaradılması təşəbbüsünü dəstəkləyir - Tokayev
Qazaxıstan Çinin ŞƏT İnkişaf Bankının yaradılması təşəbbüsünü dəstəkləyir.
Bişkekdə ŞƏT-in növbəti sammiti keçirilir
Bu gün Qırğızıstanın Bişkek şəhərində Şanxay Əməkdaşlıq Təşkilatının (ŞƏT) növbəti sammiti təşkil olunub.
