BAKI,VOA,Yusif Şərifzadə
İranın xarici işlər naziri Abbas Əraqçi Şanxay Əməkdaşlıq Təşkilatının Qırğızıstanın paytaxtı Bişkekdə keçirilən toplantısı çərçivəsində bir sıra ölkələrin xarici işlər nazirləri ilə danışıqlar aparıb.
VOA xəbər verir ki, Əraqçi Rusiya, Pakistan, Tacikistan, Özbəkistan və Qazaxıstanın xarici işlər nazirləri ilə görüşərək müxtəlif məsələləri müzakirə edib.
İranın dövlət xəbər agentliyi İRNA-nın məlumatına görə, İran Prezidenti Məsud Pezeşkian da sammitin ikinci günü üçün tədbirin keçirildiyi məkana gəlib.
Bundan əvvəl Əraqçinin sammit çərçivəsində Çinin xarici işlər naziri Van İ ilə də görüş keçirdiyi bildirilmişdi.
Görüşlərin Şanxay Əməkdaşlıq Təşkilatının toplantısı fonunda İranın region ölkələri və digər tərəfdaşlarla diplomatik təmaslarını genişləndirməsi baxımından əhəmiyyət daşıdığı qeyd olunur.
