SEPAH ABŞ və İsrailə meydan oxudu
Bəyanatda İranın dünyanın “ən bahalı ordularına” qarşı dayanıqlılıq nümayiş etdirdiyi vurğulanaraq bildirilib ki, ölkənin əvvəlki müdafiə addımları bütün hərbi imkanların tam istifadəsi anlamına gəlmirdi. Rəsmi açıqlamada qeyd olunub ki, Tehran indiyədək təmkinli mövqe nümayiş etdirsə də, ölkənin suverenliyinə qarşı yeni təhdidlər yaranacağı təqdirdə bu yanaşma dəyişə bilər.
Müzakirələrdə İranın maraqları təmin olunmalıdır - Əraqçi
İranın xarici işlər naziri danışıqlar prosesində ölkəsinin maraqlarının qorunmasının əsas prioritet olduğunu bəyan edib. Əraqçi bildirib ki, İslamabaddakı görüşlər zamanı İran ilə ABŞ arasında danışıqların hansı şərtlər altında davam etdirilə biləcəyi müzakirə olunub. Onun sözlərinə görə, “40 günlük müqavimətdən sonra İran xalqının hüquqları mütləq təmin edilməli və ölkənin maraqları qorunmalıdır”.
Avropa üçün xəbərdarlıq: Aviasiya yanacağı ehtiyatı cəmi 6 həftəlik qala bilər
Beynəlxalq Enerji Agentliyinin rəhbəri Fatih Birol Avropada aviasiya yanacağı ehtiyatlarının təxminən 6 həftəlik qaldığını açıqlayıb. Bildirilib ki, Birol vəziyyəti “indiyədək qarşılaşdığımız ən böyük enerji böhranı” kimi qiymətləndirib və bunun qlobal iqtisadiyyata ciddi təsir göstərəcəyini vurğulayıb.
12 günlük müharibədən sonra PUA istehsalı 10 dəfə artıb - İran
İran rəsmisi ölkənin hərbi istehsal imkanlarının kəskin şəkildə genişləndirildiyini açıqlayıb. İran Ordusunun icra başçısının müavini Əlirza Şeyx İsraillə 2025-ci ilin iyununda baş vermiş 12 günlük müharibədən sonra pilotsuz uçuş aparatlarının istehsalının 10 dəfə artdığını bildirib.
Atəşkəs, rəhbərimiz Xameneinin qanının bəhrəsidir – Pezeşkian
İran prezidenti Məsud Pezeşkian ABŞ ilə əldə olunan atəşkəs razılaşmasına münasibət bildirərək, bu nəticəni ölkənin "şəhid lideri" Ayətullah Əli Xameneinin fədakarlığı ilə əlaqələndirib. Pezeşkian həmçinin vurğulayıb ki, İran bundan sonra həm hərbi, həm də siyasi cəbhədə daha sıx birləşməlidir.
Qlobal enerji axınını dərhal bərpa etmək mümkün olmayacaq - Enerji eksperti
Beynəlxalq Enerji Agentliyinin keçmiş yüksək rütbəli rəsmisi və müstəqil enerji analitiki Nil Atkinson xəbərdarlıq edib ki, hətta Hörmüz boğazı dərhal açılsa belə, qlobal enerji axınını dərhal bərpa etmək mümkün olmayacaq. Lakin o vurğulayıb ki, mövcud problem təkcə gəmilərin hərəkəti ilə bitmir.
İranın 10 mindən çox hərbi hədəfi məhv edilib - ABŞ
ABŞ Mərkəzi Komandanlığının (CENTCOM) komandanı admiral Bred Kuper İrana qarşı həyata keçirilən hərbi əməliyyatların gedişatı ilə bağlı mühüm açıqlamalar verib. Əməliyyatın dördüncü həftəsində olduqlarını qeyd edən admiral, qarşıya qoyulan hərbi məqsədlərə planlaşdırılandan daha sürətlə nail olduqlarını bildirib. Bred Kuperin sözlərinə görə, ABŞ qüvvələri indiyədək İranın 10 mindən çox hərbi hədəfinə zərbə endirib. O, xüsusilə İran hərbi dəniz qüvvələrinin ağır itkilər verdiyini vurğulayıb.
ABŞ və İsrailin əməliyyatları Hindistan üçün problemlər yaradıb - Modi
Hindistanın baş naziri Narenda Modi ölkəsinin enerji təhlükəsizliyinə ciddi diqqət yetirdiklərini bildirərək, Hindistanın neft və qaz tədarükünü təmin etmək üçün mövcud olan bütün mənbələrdən yararlanacağını açıqlayıb. Böhran, ABŞ və İsrailin İranla qarşıdurması səbəbindən Hörmüz boğazında gəmi hərəkətində yaranan problemlərdən qaynaqlanıb və bu da Hindistanın benzin, dizel, qaz və gübrə tədarükünü pozub.
Özbəkistan İrana humanitar yardım göndərdi
Humanitar yardımın təqdimetmə mərasimində İranın Dərgəz şəhərinin meri Müctəba Bəzmara, Xorasan-Rəzəvi vilayətində Xarici İşlər Nazirliyinin nümayəndəliyinin rəhbəri, nazir müşaviri Əli Məsumifər və İranın Türkmənistandakı səfiri Əli Müctəba Ruzbəhani iştirak ediblər.
Almaniya İran ətrafındakı hərbi əməliyyatlarda iştirak etməyəcək - Berlin
İran ətrafında artan gərginlik fonunda Almaniya hökuməti mövqeyini açıqlayıb. Rəsmi Berlin ABŞ və İsrailin İrana qarşı həyata keçirdiyi hərbi əməliyyatların NATO-nun müharibəsi olmadığını və Almaniyanın bu əməliyyatlarda iştirak etməyəcəyini bəyan edib.
İran müharibəni ən azı noyabra qədər davam etdirə bilər - Rufiz Hafizoğlu
SEPAH sözçüsü Əli Məhəmməd Naini İranın ən azı 6 ay intensiv müharibə aparmaq üçün kifayət qədər hərbi resurslarının olduğunu açıqlayıb. Mövzu ilə bağlı Crossmedia.az-a açıqlamasında Yaxın Şərq üzrə ekspert Rufiz Hafizoğlu bildirib ki, ümumiyyətlə, müharibə dövründə bu kimi bəyanatlar vermək olduqca normaldır: "Analoji olaraq, ABŞ və İsrail də fərqli bəyanatlar verir və bu, müharibə şəraitində normal qəbul edilməlidir. Əsas məsələ isə müharibənin uzanma müddətidir. Bu gün reallıq göstərir ki, ABŞ və İsrailin İranda başlatdıqları əməliyyatda istədikləri uğuru əldə edə bilməyiblər. Onlar gözləyirdilər ki, bombardmandan sonra İran xalqı küçələrə çıxacaq, Xamenei və rejimin dağılmasını tələb edəcək. Lakin belə bir hal baş verməyib. Dəfələrlə xalqa müraciət olunmasına baxmayaraq, ABŞ və İsrailin çağırışları öz təsirini göstərməyib".
