BAKI,VOA, Fərid Mikayılov

Beynəlxalq Enerji Agentliyinin rəhbəri Fatih Birol Avropada aviasiya yanacağı ehtiyatlarının təxminən 6 həftəlik qaldığını açıqlayıb.

VOA xəbər verir ki, o, bu vəziyyətin ABŞ və İsrailin İranla müharibəsi fonunda Hörmüz boğazında nəqliyyatın məhdudlaşması ilə bağlı olduğunu bildirib.

Qeyd olunub ki, mövcud şərait davam edərsə, yaxın zamanda uçuşların ləğvi ilə bağlı qərarlar qəbul oluna bilər.

Bildirilib ki, Birol vəziyyəti “indiyədək qarşılaşdığımız ən böyük enerji böhranı” kimi qiymətləndirib və bunun qlobal iqtisadiyyata ciddi təsir göstərəcəyini vurğulayıb.

Məlumata görə, enerji təchizatındakı məhdudiyyətlər nəticəsində benzin, qaz və elektrik enerjisinin qiymətlərində artım qaçılmaz olacaq.

Qeyd edilib ki, böhran nə qədər uzun davam edərsə, dünya iqtisadiyyatına təsiri bir o qədər dərinləşəcək.