BAKI,VOA, Orxan Qədirzadə
İran hökuməti bölgədə davam edən hərbi münaqişələrin ölkə iqtisadiyyatına vurduğu zərərin ilkin miqyasını açıqlayıb.
VOA xəbər verir ki, hökumətin sözçüsü Fatimə Mühacirani "Təsnim" agentliyinə verdiyi bəyanatda müharibə nəticəsində yaranan itkilərin hazırda 270 milyard dollar səviyyəsində qiymətləndirildiyini bildirib. Sözçü vurğulayıb ki, bu rəqəm hələ yekun deyil və münaqişənin davam etməsi fonunda itkilərin artacağı istisna olunmur.
Hazırda Pakistanın paytaxtı İslamabadda keçirilən sülh danışıqlarında bu məsələ İran nümayəndə heyətinin əsas prioritetlərindən biridir. Tehran tərəfi müharibə itkilərinin ödənilməsi və iqtisadi təzminat mövzusunu diplomatik masada ciddi şəkildə izləyir. Bu nəhəng məbləğ həm infrastrukturun dağılmasını, həm də sanksiyalar və hərbi əməliyyatlar nəticəsində iflic olan iqtisadi sektorları əhatə edir. İslamabad danışıqlarının gedişi Tehranın bu zərərləri kompensasiya edib-edə bilməyəcəyini müəyyən edəcək.
