BAKI,VOA, Nailə Babazadə

İranın Daxili İşlər naziri İskəndər Mumini ölkənin sərhəd bölgələrində vəzifə yerinə yetirən vilayət rəhbərlərinə müraciət edib.

VOA xəbər verir ki, nazir 16 sərhəd valisindən ABŞ-ın dəniz blokadası təhdidini təsirsiz hala gətirmək üçün onlara verilən səlahiyyətlərdən tam istifadə etmələrini istəyib. Mumini bildirib ki, vilayət rəhbərlərinə əlaqədar nazirliklərlə koordinasiyalı şəkildə hərəkət edərək əsas ehtiyac mallarının idxal və ixracı prosesini sürətləndirməlidirlər.

İran Prezidenti Məsud Pezeşkyan yanvarın 27-də verdiyi qərarda qonşu dövlətlərlə ticarətdə bürokratik maneələri aradan qaldırmaq üçün vilayət rəhbərlərinə geniş səlahiyyətlər verdiyini açıqlamışdı. Bu tənzimləmə vilayət rəhbərlərinə qonşu ölkələrlə valyutasız idxal və barter üsulu ilə ticarət imkanı tanıyır. Mumini bu addımların ABŞ sanksiyalarının təzyiqini azaldacağını və dəniz blokadası təhdidini nəticəsiz qoyacağını vurğulayıb.