BAKI,VOA, Fərid Mikayılov

İranda təhsil sistemi ilə bağlı mühüm qərar qəbul edilib.

VOA xəbər verir ki, İran hökuməti ölkə üzrə bütün məktəblərin distant təhsil formatına keçirilməsi barədə qərar verib.

Məlumata əsasən, bu barədə Təhsil Nazirliyinin sözçüsü açıqlama verərək bildirib ki, yeni sistem aprelin 21-dən etibarən tətbiq olunacaq.

Qeyd olunub ki, qərar ölkədəki bütün təhsil pillələrini və səviyyələrini əhatə edir və ikinci bir açıqlamaya qədər qüvvədə qalacaq.

Bildirilib ki, qərarın konkret səbəbləri ilə bağlı hələlik rəsmi və ətraflı məlumat verilməyib, lakin mövcud şərait nəzərə alınaraq qəbul edildiyi vurğulanıb.

Məlumata görə, distant təhsil sisteminə keçidlə bağlı texniki hazırlıq işləri davam etdirilir və müəllimlərlə şagirdlərin uyğunlaşması üçün tədbirlər görülür.