BAKI,VOA, Orxan Qədirzadə
İsrail ictimaiyyətində aparılan sorğu nəticələrinə görə, respondentlərin təxminən üçdə ikisi ölkələrinin yaxın vaxtlarda İran ilə yenidən müharibəyə başlayacağını düşünür.
VOA xəbər verir ki, sorğu Maariv qəzetinin həftəlik ictimai rəy araşdırması çərçivəsində, Lazar Research Institute tərəfindən keçirilib və nəticələri cümə günü dərc olunub.
Sorğunun nəticələri regionda davam edən gərginlik fonunda İsrail cəmiyyətində təhlükəsizlik narahatlıqlarının yüksək səviyyədə olduğunu göstərir. Ekspertlər hesab edir ki, bu cür gözləntilər həm siyasi qərarvermə prosesinə, həm də ictimai rəyə təsir edə bilər.
Qeyd edək ki, son dövrlərdə Yaxın Şərqdə baş verən hadisələr, xüsusilə İran və İsrail arasında qarşıdurma riski beynəlxalq gündəmin əsas mövzularından biri olaraq qalır.
