BAKI,VOA, Fərid Mikayılov
Oman dənizində baş verən insident regionda gərginliyi artırıb.
VOA xəbər verir ki, İran qüvvələri “xəbərdarlıqlara əməl olunmadığı” əsas gətirilərək Umman dənizində hərəkət edən konteyner gəmisinə atəş açıb.
Hadisə ilə bağlı Böyük Britaniya Dəniz Ticarəti Təşkilatı da açıqlama verərək insidenti təsdiqləyib.
Bildirilib ki, gəmi heyətinin vəziyyəti qənaətbəxşdir, lakin açılan atəş nəticəsində gəmi ciddi zədələnib.
Hadisənin detalları və gəminin marşrutu ilə bağlı əlavə məlumatlar açıqlanmır.
