Omanın dövlət gəlirləri ilin birinci yarısında 13 faiz artaraq 17.2 milyard dollara çatıb
Omanın dövlət gəlirləri ilin birinci yarısında xalis neft gəlirlərindəki 10 faizlik artım və qaz gəlirlərindəki 32 faizlik sıçrayış nəticəsində 13 faiz artaraq 6.60 milyard Oman riyalı (17.2 milyard dollar) təşkil edib. Ümumi dövlət xərcləri iyun ayının sonuna təxminən 6.62 milyard riyal təşkil edib; bu da 2025-ci ilin eyni dövründəki 6.1 milyard riyala nisbətən 521 milyon riyal və ya 9 faiz artım deməkdir.
Trampdan Omana şok təhdid - Mane olsanız, bombalayacağıq
ABŞ Prezidenti Donald Tramp bazar ertəsi günü Oman Hörmüz boğazı ilə bağlı İranla əldə olunacaq razılaşmaya "mane olarsa", bu ölkəni bombalamaqla hədələyib və İranı təslim olmağa çağırıb. Vaşinqtonun öz danışıqlarını davam etdirdiyi bir vaxtda Oman ilə İran arasında boğazın nəzarəti üzrə aparılan müzakirələrə toxunan Tramp "Əgər Oman mane olarsa, biz onları darmadağın edənə qədər bombalayacağıq" deyə bildirib.
İran Oman dənizində konteyner gəmisini hədəf alıb
Oman dənizində baş verən insident regionda gərginliyi artırıb. İran qüvvələri “xəbərdarlıqlara əməl olunmadığı” əsas gətirilərək Umman dənizində hərəkət edən konteyner gəmisinə atəş açıb. Hadisə ilə bağlı Böyük Britaniya Dəniz Ticarəti Təşkilatı da açıqlama verərək insidenti təsdiqləyib.
Makron İranda saxlanılan iki fransızın azad edildiyini duyurub
Fransa Prezidenti Emmanuel Makron çərşənbə axşamı günü "X" sosial şəbəkəsində etdiyi paylaşımda Fransa vətəndaşları Sesil Koler və Jak Parisin İranda üç yarım illik həbsdən sonra "azad olduqlarını və Fransaya doğru yola düşdüklərini" bildirib. Makron onların azad edilməsində Omanın vasitəçilik etdiyini əlavə edib. Cütlük 2022-ci ildən bəri casusluq ittihamı ilə İranda saxlanılırdı, Fransa isə bu ittihamların əsassız olduğunu bəyan etmişdi. Onlar noyabr ayında bədnam Evin həbsxanasından azad edilmiş və o vaxtdan bəri Fransa səfirliyində qalırdılar.
Hörmüz boğazında yeni marşrut: Oman gəmiləri İranın nəzarətini baykot edir
"Lloyd’s List" gəmiçilik jurnalının monitorinq etdiyi izləmə məlumatlarına görə, Omanın üç gəmisi Hörmüz boğazını İranın Larək adası yaxınlığındakı "təsdiqlənmiş dəhlizindən" kənar keçir.
Tramp İranın nüvə proqramını yenidən başlatmağa çalışdığını iddia etdi
ABŞ Prezidenti Donald Tramp, həyata keçirdikləri hava hücumlarından sonra İranın nüvə proqramını yenidən başlatmaq təşəbbüsündə bulunduğunu iddia edib. Tramp, İran ilə cümə günü Omanın paytaxtı Maskatda keçirilməsi gözlənilən görüşlər ərəfəsində "NBC News"a gündəmlə bağlı açıqlamalar verib. İranın ABŞ ordusunun vurduğu nüvə obyektlərinə qayıda bilmədiyini, lakin ölkənin başqa bir nöqtəsində yeni bir nüvə obyekti qurmağı düşündüyünü irəli sürən Tramp: "Bunu öyrəndik və 'Bunu etsəniz, çox ağır nəticələri olar' dedim," — ifadəsini işlədib.
Hakan Fidan və Oman naziri Ankarada ticarət, Yəmən və regional sabitliyi müzakirə edəcək
Türkiyə Xarici işlər naziri Hakan Fidan sabah Türkiyəyə səfər edəcək Oman xarici işlər naziri Bədr bin Həməd əl-Busaidi ilə görüşəcək. Görüşdə Türkiyə ilə Oman arasında ticarət dövriyyəsinin ortaq hədəf olan 5 milyard dollara çatdırılması istəyi, Omanın regional məsələlərin dialoq yolu ilə həllinə verdiyi töhfələr və Yəməndə davamlı siyasi həllə dəstək müzakirə olunacaq. Fidan Türkiyənin Yəmənin suverenliyi və ərazi bütövlüyünə dəstəyini vurğulayacaq, Qəzzada humanitar vəziyyətə diqqət çəkərək yardımların fasiləsiz çatdırılmasının vacibliyini qeyd edəcək.
Türkiyə ilə Oman arasında 17 sahəni əhatə edən əməkdaşlıq protokolu imzalanıb
Türkiyənin Xəzinə və Maliyyə naziri Mehmet Şimşek Türkiyə–Oman 13-cü Dövr Birgə İqtisadi Komitə (KEK) Toplantısı çərçivəsində iki ölkə arasında enerji, təhsil, səhiyyə və nəqliyyat daxil olmaqla 17 fərqli sahəni əhatə edən əməkdaşlıq protokolunun imzalandığını açıqlayıb. Rəsmi səfər çərçivəsində Türkiyəyə gələn Oman Ticarət, Sənaye və İnvestisiya Təşviqi naziri Qais Mohammed Al Yousef və onu müşayiət edən nümayəndə heyəti ilə görüşən Mehmet Şimşek danışıqların məhsuldar keçdiyini bildirib.
İran quraqlığa dəniz suyu ilə həll yolu axtarır
İran, Oman Dənizi və Fars Körfəzi sularını boru xətti ilə İsfahan bölgəsinə çatdırmağı nəzərdə tutan “Dəniz Suyunu Orta Platolara Daşıma Layihəsi”nin üçüncü mərhələsinə start verib. İran Prezident Məsud Pezeşkian layihənin 800 kilometrlik Sircan–İsfahan hissəsinin açılışını edib. Layihə, xüsusilə İsfahandakı polad sənayesinin su ehtiyacını qarşılamaq məqsədi daşıyır və Mubarek Polad Şirkətinin dəstəyi ilə həyata keçirilir.
Türkiyə Hərbi Hava Qüvvələrinə 20 yeni Eurofighter Typhoon təyyarəsi alınacaq
Türkiyə Milli Müdafiə Nazirliyi, Eurofighter döyüş təyyarələrinin alınması prosesi ilə bağlı açıqlama yayıb. Nazirlik bildirib ki, Hava Qüvvələri Komandanlığının əməliyyat ehtiyaclarının qarşılanması məqsədilə yeni istehsal olunmuş Eurofighter Typhoon təyyarələri, avadanlıq və müxtəlif sursatların tədarükü üçün 27 oktyabr 2025-ci il tarixində Birləşmiş Krallıq ilə müqavilə imzalanıb.
İran Omanla əlaqələri genişləndirməyə hazırdır
Bazar ertəsi günü Tehran şəhərində Omanın Daxili İşlər Naziri Həmud bin Faysal əl-Busaidi ilə görüşən Pezeşkian iki qonşu ölkə arasındakı münasibətlərin “qardaşlıq, qarşılıqlı hörmət və xoş niyyət” əsasında qurulduğunu və regional çağırışlar zamanı bir-birlərini dəstəklədiklərini qeyd edib. İran prezidenti Məsud Pezeşkian Omanın bölgədə sülhün təmin olunması istiqamətində diplomatik səylərini alqışlayaraq, Tehranının Muskatla müxtəlif sahələrdə əməkdaşlığı genişləndirməyə hazır olduğunu bildirib.
Ərdoğan Körfəz turunun son dayanacağı olan Omanda Sultan Heysəm bin Tariqlə görüşüb
Türkiyə Prezidenti Rəcəb Tayyib Ərdoğan, rəsmi səfərlər çərçivəsində Körfəz turunun son dayanacağı olan Omanın paytaxtı Maskata çatıb. Prezident Ərdoğan, Al Alam Sarayında Oman Sultanı Heysəm bin Tarikqə görüşüb. Körfəz turuna Küveyt səfəri ilə başlayan Ərdoğan, daha sonra Qətərə gedib və son dayanacaq olaraq Omanı ziyarət edib.
