BAKI,VOA Orxan Qədirzadə
İranda partlamamış hərbi sursatın partlaması nəticəsində çox sayda itki qeydə alınıb.
VOA xəbər verir ki, Zəncan vilayətində ABŞ və İsrail hücumlarından qalan partlamamış sursatın axtarışı zamanı baş verən partlayış nəticəsində İnqilab Keşikçiləri Korpusu sıralarından 14 hərbçi ölüb, daha 2 nəfər yaralanıb.
Məlumata görə, hadisə ərazidə aparılan təmizləmə və zərərsizləşdirmə əməliyyatları zamanı baş verib. Partlayışın səbəbi kimi əvvəlki hücumlar zamanı yerə düşən, lakin partlamayan sursatların gözlənilmədən aktivləşməsi göstərilir.
Qeyd olunur ki, bölgədə aparılan əməliyyatlar çərçivəsində indiyədək 15 mindən çox partlamamış hərbi sursat aşkar edilərək məhv edilib.
Hadisə İran, ABŞ və İsrail arasında davam edən gərginlik fonunda baş verib və müvəqqəti atəşkəs dövründə təhlükələrin hələ də qalmaqda olduğunu göstərir.
