BAKI,VOA, Fərid Mikayılov

İran Xarici İşlər Nazirliyinin mətbuat katibi İsmayıl Bəqai bildirib ki, ABŞ və İsrailin İran ərazisinə hücumları ilə başlayan müharibədə Livanadakı atəşkəs, müharibənin sonlandırılmasına yönəlmiş hər hansı bir razılaşmanın ayrılmaz hissəsidir.

VOA xəbər verir ki, Bəqai bildirib ki, Livandakı vəziyyətin əsas aktoru ABŞ-dır və Sionist rejim görünən atəşkəsə baxmayaraq Livan və işğal altındakı Fələstin torpaqlarında ən ağır və amansız cinayətləri davam etdirir.

Bəqai həmçinin ABŞ-la aparılan danışıqların tərəflər arasında etimad yaratmadığını vurğulayıb, prosesin şübhə və güvənsizlik mühitində başladığını qeyd edib. Hazırkı mərhələdə nüvə məsələlərinin gündəmdə olmadığını bildirən Bəqai, lazım gəldikdə İranın atacağı addımları yaxşı bildiyini əlavə edib.