İran ABŞ-nin mülki şəxsləri hədəfə almadığı barədə açıqlamasını rədd edib
İran Xarici İşlər Nazirliyinin sözçüsü İsmayıl Bəqai ABŞ-nin mülki şəxsləri hədəfə almadığı barədə açıqlamasını rədd edib. O, ABŞ ordusunun Əfqanıstan və İraqda keçmişdə həyata keçirdiyi bir sıra hücumları xatırladıb. Bəqai həmin hücumlarda qadın və uşaqlar da daxil olmaqla mülki şəxslərin öldüyünü bildirib. İran rəsmisi ABŞ istehsalı olan “Vətən” televiziya serialındakı toy mərasiminə hücum səhnəsinə də diqqət çəkib. O, ABŞ Mərkəzi Komandanlığının mövqeyinin keçmiş hadisələrlə ziddiyyət təşkil etdiyini iddia edib. Bəqai Sirikdə baş verən hadisənin və oradakı qurbanların real olduğunu vurğulayıb. İran Sirikdə toy mərasiminin keçirildiyi ərazinin ABŞ hücumuna məruz qaldığını bildirir. ABŞ tərəfi isə mülki şəxsləri məqsədli şəkildə hədəfə aldığı barədə ittihamları qəbul etmir.
ABŞ bazalarının istifadəsinə icazə verən ölkələr hədəfə çevrilə bilər - İran XİN
İran Xarici İşlər Nazirliyinin mətbuat katibi İsmayıl Bəqai ABŞ bazalarını və hərbi imkanlarını İrana qarşı istifadəyə verən ölkələrin təcavüzə şərik olduğunu bildirərək, hücumların mənbəyini hədəf almağın Tehranın qanuni haqqı olduğunu vurğulayıb.
ABŞ-nin iqtisadi müharibəsi beynəlxalq hüququ pozur - İran XİN
İran ABŞ-nin Tehrana qarşı planlaşdırdığı "iqtisadi müharibənin" beynəlxalq hüququ pozduğunu bəyan edib. Xatırladaq ki, ABŞ Prezidenti Donald Tramp Vaşinqtonun Tehran üzərindəki iqtisadi təzyiqi artırmaq cəhdləri çərçivəsində İnanı dəstəkləməyə davam edən ölkələrə sert sanksiyalar tətbiq olunacağı ilə hədələmişdi.
Son müharibələr İranın qlobal ictimai rəydəki imicini yenidən formalaşdırdı - İran XİN
İran Xarici İşlər Nazirliyinin mətbuat katibi İsmayıl Bəqai son müharibə dövründəki addımların ölkənin qlobal ictimai rəydəki imicini yenidən formalaşdırdığını bəyan edib. Mətbuat katibi bildirib ki, onilliklər ərzində İrana qarşı sistemli mənfi təbliğat aparılaraq ölkə bir təhlükə kimi təqdim olunub və bu dezinformasiya qlobal qərar qəbulu proseslərinə təsir göstərmək üçün əsas götürülüb.
Tehran Fransa səfirliyinin iki əməkdaşına qapıları bağladı
İran iki Fransa səfirliyi əməkdaşının ölkəyə qayıtmasına icazə verilməyəcəyini açıqlayıb. İran Xarici İşlər Nazirliyinin sözçüsü İsmayıl Bəqai həmin şəxslərin ötən ay yaranmış diplomatik mübahisə ilə bağlı ölkəyə geri dönə bilməyəcəyini bildirib. Onun sözlərinə görə, əməkdaşlar Vyana Konvensiyasının müddəalarını pozublar. Bəqai onların İran vətəndaş cəmiyyətini dəstəkləyən fəaliyyətlə məşğul olduqlarını deyib. İran rəsmisi belə fəaliyyətin Vyana Konvensiyasının pozulması olduğunu vurğulayıb. O, əməkdaşların konkret hansı fəaliyyətlə məşğul olduqlarını açıqlamayıb. Tehran uzun müddətdir Qərbin İranın daxili işlərinə müdaxiləsi hesab etdiyi fəaliyyətlərə qarşı sərt mövqe tutur. İranın bu məsələyə münasibəti ABŞ və İsrail ilə davam edən qarşıdurma fonunda daha da həssas xarakter alıb.
İran və Oman Hörmüz boğazından keçid marşrutu üzrə razılaşıb
İran və Oman Hörmüz boğazından gəmilərin keçməsi üçün nəzərdə tutulan marşrut xəritəsi üzrə razılığa gəlib. İran Xarici İşlər Nazirliyinin sözçüsü İsmayıl Bəqai bildirib ki, razılaşmanın əldə olunmasına baxmayaraq, proses hələ tam başa çatmayıb. Tehran və Maskat üç aydır təhlükəsiz gəmiçilik marşrutlarının müəyyənləşdirilməsi ilə bağlı danışıqlar aparır. İran tərəfi son üç həftədə danışıqlarda əhəmiyyətli irəliləyiş olduğunu açıqlayıb. Marşrut xəritəsinin İranın müdafiə, təhlükəsizlik və ətraf mühit üzrə qurumlarının iştirakı ilə hazırlandığı bildirilib. Tərəflər hələ də birgə açıqlamanın məzmunu və digər məsələlər üzrə fikir mübadiləsini davam etdirirlər. İran razılaşmanın iki ölkənin suverenliyini qoruyaraq gəmilərin təhlükəsiz keçidini təmin etməyə yönəldiyini vurğulayıb.
Bəqai ABŞ siyasətini Dostoyevskinin sözləri ilə tənqid etdi
İran Xarici İşlər Nazirliyinin sözçüsü İsmayıl Bəqai ABŞ-nin İran və regiona dair siyasətini tənqid edib. O, əsərdə yer alan insanın özünə yalan danışması və sonda həqiqətlə yalanı ayırd edə bilməməsi ilə bağlı fikri ABŞ siyasətinə tətbiq edərək Vaşinqtonu tənqid edib.
İran İsrailin Livana qarşı hücumlarını pisləyib
İran Xarici İşlər Nazirliyi İsrailin Livanın cənub bölgələrinə qarşı həyata keçirdiyi hücumları qınayıb. Bəqai bildirib ki, hücumlar nəticəsində bir sıra Livan vətəndaşı həlak olub və yaralanıb, həmçinin infrastruktur obyektlərinə və yaşayış evlərinə ziyan dəyib. İran rəsmisi İsrailin Livan ərazilərini işğal etməsini və ölkənin ərazi bütövlüyü ilə milli suverenliyini pozmasını tənqid edib.
Omanla danışıqlar rəvan gedir, lakin maneələr var - İsmayıl Bəqai
İran Xarici İşlər Nazirliyinin sözçüsü İsmayıl Bəqai Omanla Hörmüz boğazı ilə bağlı danışıqların rəvan getdiyini bildirib. Onun sözlərinə görə, bəzi qüvvələr razılaşmaya mane olmağa çalışır. Bəqayi Omanla anlaşmanın əldə olunmasının mümkün olduğunu və bunun danışıqlarda mühüm mərhələ olacağını qeyd edib. İran rəsmisi mane olan tərəflərin adını açıqlamayıb. O, ABŞ-nin Hörmüz boğazındakı fəaliyyətlərini tənqid edib və bunun su yolunun təhlükəsizliyinə mənfi təsir etdiyini bildirib. Tehran ABŞ-nin dəniz mühasirəsini təcavüz aktı kimi qiymətləndirir. İran və Oman arasında danışıqlar Hörmüz boğazında gəmiçiliyin gələcəyi ilə bağlı davam edir.
ABŞ Yaxın Şərqdə təhlükəsizliyə töhfə vermir - İran XİN
İran Xarici İşlər Nazirliyinin sözçüsü İsmayıl Bəqai ABŞ-ni Yaxın Şərqdə təhlükəsizliyin pozulmasına səbəb olan əsas xarici aktorlardan biri adlandırıb. O bildirib ki, region ölkələri təhlükəsizliyin ABŞ-nin iştirakı ilə təmin edilə biləcəyi düşüncəsinə arxalanmamalıdır. İran XİN sözçüsü qeyd edib ki, regionda təhlükəsizliyin ABŞ vasitəsilə təmin edilə biləcəyi düşüncəsi yanlış yanaşmadır.
Pakistan və Qətərlə təmaslar davam edir, yüksək səviyyəli səfərlər planlaşdırılmır - İran
İran Xarici İşlər Nazirliyi Pakistan və Qətərlə diplomatik əlaqələrin davam etdiyini açıqlayıb. XİN sözçüsü İsmayıl Bəqai bildirib ki, tərəflər arasında fikir mübadiləsi aparılır, lakin hazırda xarici işlər naziri Abbas Əraqçinin və parlament sədri Məhəmməd Baqir Qalibafın bu ölkələrə rəsmi səfərləri gündəmdə deyil.
ABŞ-nin addımları Hörmüz boğazında təhlükəsizliyi risk altında saxlayır - İsmayıl Bəqai
İran Xarici İşlər Nazirliyinin sözçüsü İsmayıl Bəqai bildirib ki, Omanla Hörmüz boğazında yeni gəmiçilik marşrutu üzrə əldə olunan razılaşma təhlükəsiz naviqasiyaya avtomatik zəmanət vermir. Onun sözlərinə görə, ABŞ-nin dəniz blokadası və İranın maraqlarına qarşı atılan addımlar bölgədə təhlükəsizlik risklərini qoruyub saxlayır. Tehran hesab edir ki, bu amillər aradan qaldırılmadan boğazda tam təhlükəsizlik təmin oluna bilməz.
