BAKI,VOA,Yusif Şərifzadə
İran ordusunun baş qərargah rəisi Habibullah Sayyari bildirib ki, İran heç vaxt nüvə silahı əldə etməyə çalışmayacaq. Eyni zamanda, İran ordusu Hörmüz boğazı üzərində tam üstünlüyünü qoruyur.
VOA xəbər verir ki, Sayyari qeyd edib: “Bu gün gücümüz Hörmüz boğazı regionunda üstünlük təşkil edir, yəni heç bir gəmi bizim icazəmiz olmadan keçə bilməz.”
O, İran dövlət xəbər agentliyi IRNA-ya açıqlamasında əlavə edib ki, İran qüvvələri yüksək hazırlıq səviyyəsindədir. “Əlimiz tətikdədir və həyatımız üçün qorxmuruq,” – deyə Habibollah Sayyari vurğulayıb.
