BAKI,VOA, Fərid Mikayılov
Qətərin "Əl-Cəzirə" telekanalı ABŞ və İran arasında imzalanmış İslamabad memorandumunun ardınca rəsmi Tehranın atacağı növbəti diplomatik addımlarla bağlı kritik məlumatlar yayıb.
VOA xəbər verir ki, İran Xarici İşlər Nazirliyinin sözçüsü telekanala verdiyi eksklüziv bəyanatda regional sularda nəzarət hüququnun tamamilə Tehrana məxsus olduğunu vurğulayıb.
XİN rəsmisi memorandum çərçivəsində Hörmüz boğazının yenidən dəniz ticarətinə açılması prosesinə toxunaraq, kənar güclərin prosesə müdaxilə cəhdlərini qətiyyətlə rədd edib:
"Hörmüz boğazının yenidən açılması Anlaşma Memorandumuna əsasən, tamamilə və açıq şəkildə İran tərəfinin məsuliyyəti altındadır. Hər hansı bir kənar qüvvənin bura müdaxilə etməsinə qətiyyən ehtiyac yoxdur. Bu cür müdaxilələr vəziyyəti sadəcə daha da mürəkkəbləşdirəcək".
Digər tərəfdən, "Əl-Cəzirə"yə danışan diplomat cümə günü planlaşdırılan kritik İsveçrə sammiti barədə məlumat paylaşıblar. Mənbələrin bildirdiyinə görə, Bürgenstokda keçiriləcək sülh və təhlükəsizlik danışıqlarında İranın iştirak edib-etməyəcəyi barədə hələlik yekun qərar verilməyib.
Əgər Tehran rəhbərliyi İsveçrə səfərinə yaşıl işıq yandırarsa, nümayəndə heyətinə İran Parlamentinin sədri Məhəmməd Baqir Qalibafın rəhbərlik edəcəyi gözlənilir.
