BAKI,VOA,Yusif Şərifzadə
İran Xarici İşlər Nazirliyinin sözçüsü İsmayıl Bəqai Tehranın Livandakı vəziyyətlə bağlı mövqeyini bir daha açıqlayıb.
VOA xəbər verir ki, İsmayıl Bəqai jurnalistlərə açıqlamasında bildirib ki, ABŞ-nin bütün cəbhələrdə, xüsusilə də Livanda müharibənin dayandırılması ilə bağlı öhdəliklərinə əməl etməsi anlaşma memorandumunun birinci bəndinə uyğundur.
Onun sözlərinə görə, ABŞ üzərinə götürdüyü öhdəlikləri yerinə yetirməli və zərurət yaranarsa, İsraili də öz öhdəliklərinə əməl etməyə sövq etməlidir.
İsmayıl Bəqai vurğulayıb ki, İran üçün ABŞ-nin öhdəliklərə nə dərəcədə əməl etdiyini qiymətləndirməkdə əsas meyar anlaşma memorandumunun mətnidir.
O qeyd edib ki, Tehran ABŞ-nin fəaliyyətini məhz bu sənəd əsasında dəyərləndirəcək.
