İran Prezidenti Əli Xameneinin tabutu önündə ehtiramını bildirib

İran Prezidenti Məsud Pezeşkian Əli Xameneinin tabutu önündə ehtiramını bildirib. Tehranda keçirilən vida mərasimində ölkənin yüksək vəzifəli dövlət rəsmiləri iştirak ediblər. İran dövlət televiziyası prezidentin tabut önündə dua etdiyi görüntüləri yayımlayıb. Mərasimdə parlamentin sədri Məhəmməd Baqir Qalibaf da iştirak edib. Bundan əvvəl Əli Xameneinin ailə üzvləri və nəvələri onun xatirəsini yad ediblər. Vida mərasimlərinin bir neçə gün davam edəcəyi bildirilir. Əli Xameneinin Məşhəd şəhərində dəfn olunacağı gözlənilir.

3 İyul 2026 19:15

BAKI,VOA,Yusif Şərifzadə

İran Prezidenti Məsud Pezeşkian Tehranda keçirilən vida mərasimində ölkənin keçmiş ali rəhbəri Əli Xameneinin tabutu önündə ehtiramını bildirib. Mərasimdə İranın yüksək vəzifəli dövlət rəsmiləri də iştirak ediblər.

VOA xəbər verir ki, İran dövlət televiziyasının yaydığı görüntülərdə Prezident Məsud Pezeşkianın Əli Xameneinin tabutu önündə dua etdiyi əks olunub. Tabutun üzərinə qara əmmamə qoyulduğu görünür.

Vida mərasimində İran parlamentinin sədri və ABŞ ilə aparılan danışıqlarda İran nümayəndə heyətinə rəhbərlik edən Məhəmməd Baqir Qalibaf da iştirak edib.

Mərasimə, həmçinin İranın icra hakimiyyəti və məhkəmə hakimiyyətinin rəhbərləri də qatılıblar.

Bundan əvvəl isə Əli Xameneinin ailə üzvləri, o cümlədən nəvələri Tehrandakı Böyük Müsəlla məscidində keçirilən mərasimdə onun xatirəsini yad ediblər.

Əli Xameneinin vida mərasimlərinin bir neçə gün davam edəcəyi və son mərhələdə onun doğulduğu Məşhəd şəhərində dəfn olunacağı bildirilir.