BAKI,VOA,Yusif Şərifzadə

İranda mərhum ali dini rəhbər Ayətullah Əli Xamenei ilə vida mərasimləri davam edir. Rəsmi qurumlar mərasimləri həm dini anım, həm də milli birlik nümayişi kimi təqdim edirlər.

VOA xəbər verir ki, paytaxt küçələrinə toplaşan minlərlə insan Ayətullah Əli Xamenei ilə son dəfə vidalaşmaq üçün dəfn yürüşünə qatılıb. Mərasim iştirakçılarından Həmid adlı şəxs bildirib ki, Amerika Birləşmiş Ştatları və İsrail İranı parçalamağa çalışsa da, Xamenei ölkədə birliyin qorunmasına nail olub. Onun sözlərinə görə, insanlar mərhum rəhbərin ölkə qarşısındakı xidmətlərinə hörmət əlaməti olaraq dəfn mərasiminə qatılıblar.

Mərasimdə iştirak edən Mərziyə adlı digər şəxs isə təxminən qırx il İranı idarə etmiş Ayətullah Əli Xameneinin xatirəsini ehtiramla yad etmək üçün gəldiyini deyib.

O bildirib ki, dəfn mərasimində iştirak etməklə mərhum rəhbərə sadiqliklərini bir daha nümayiş etdirmək və onun xatirəsini ehtiramla anmaq istəyirlər.