BAKI,VOA, Fərid Mikayılov

İran Parlamentinin sədri Məhəmməd Baqir Qalibaf ölkəsinin "qəddar sanksiyaların" öhdəsindən gəlmək üçün strateji plan hazırlamasının vacibliyini bildirib.

VOA xəbər verir ki, Qalibafın bu açıqlaması ABŞ Xəzinədarlıq naziri Skott Bessentin İrana qarşı tətbiq edilən "ən sərt" sanksiyaları elan etməsindən sonraya təsadüf edib.

"İslam ölkələrinin ehtiyatlarına və xammal bazasına nəzər salsanız, düşmənlərimizin onları qarət etməyə gəldiyini görərsiniz. Bu səbəbdən, yaranmış vəziyyətdə qəddar sanksiyaların öhdəsindən gələ bilməyimiz üçün xüsusi planımız olmalıdır", – deyə o vurğulayıb.

Hazırda İraqda səfərdə olan Qalibaf, hərbi münaqişə fonunda Bağdadı Tehranla əməkdaşlığı genişləndirməyə çağırıb.