BAKI,VOA, Fərid Mikayılov
ABŞ maliyyə naziri Skott Bessent Vaşinqtonun İran limanlarına qarşı tətbiq etdiyi dəniz blokadasının ölkə iqtisadiyyatına təzyiqi daha da artıracağını bildirib. Onun sözlərinə görə, ABŞ son 14 gün ərzində Körfəz vasitəsilə 130 milyon barel neftin daşınmasına yardım edib.
VOA xəbər verir ki, Bessent bu dəniz blokadası və Vaşinqtonun “İqtisadi Təcrid” adlandırdığı əməliyyatın İran iqtisadiyyatına ciddi zərbə vuracağını bildirib.
“Blokada və ‘İqtisadi Təcrid’ əməliyyatı uğursuzluğa düçar olan İran iqtisadiyyatını çökdürəcək”, – Bessent bildirib.
O, son 14 gündə ABŞ-nin Körfəz vasitəsilə 130 milyon barel neftin daşınmasına yardım etdiyini, İranın isə bu müddətdə neft ixrac edə bilmədiyini iddia edib.
“ABŞ son 14 gündə 130 milyon barelin çıxarılmasına yardım edib. İran: 0”, – deyə Bessent paylaşımında qeyd edib.
Bessentin açıqlaması Vaşinqtonun Tehrana qarşı hərbi və iqtisadi təzyiqi paralel şəkildə davam etdirmək niyyətində olduğunu göstərən növbəti bəyanat kimi diqqət çəkir.
