İraqın Ədliyyə naziri Xalid Şavani kütləvi məzarlıqlarda dəfn edildiyi ehtimal olunan şəxslərin taleyinin müəyyənləşdirilməsi istiqamətində milli səylərə dəstəyini təsdiqləyib.
ArabAZ xəbər verir ki,Şavani kütləvi məzarlıqlar məsələsinin araşdırılması və qurbanların taleyinin müəyyənləşdirilməsi üzrə aparılan işlərin davam etdirilməsinin vacibliyini vurğulayıb. O, bu istiqamətdə aidiyyəti dövlət qurumları arasında koordinasiyanın gücləndirilməsinə çağırıb.
Ədliyyə naziri bildirib ki, kütləvi məzarlıqların araşdırılması itkin düşmüş şəxslərin taleyinin müəyyənləşdirilməsi, onların ailələrinin hüquqlarının qorunması və qurbanların xatirəsinin əbədiləşdirilməsi baxımından mühüm əhəmiyyət daşıyır.
Şavani bu sahədə milli səylərin davam etdiriləcəyini və qurbanların taleyinin üzə çıxarılması üçün müvafiq qurumlara dəstəyin göstəriləcəyini qeyd edib.
