Bakı,AzerVoice

Rusiya Dövlət Duması plenar iclasda üçüncü və son oxunuşda işəgötürənlərə 16 yaşınadək uşaqları olan tənha qadınların, habelə bu yaşda olan uşaqları anasız böyüdən digər şəxsləri işdən çıxarmağı qadağan edən qanun layihəsini qəbul edib.

AzerVoice xəbər vərir ki , sənəd ötən ilin avqustunda LDPR fraksiyasının bir qrup senator və deputatı tərəfindən baxılmaq üçün palataya təqdim edilib.
Dəyişikliklər Rusiya Federasiyasının Əmək Məcəlləsinə əlavələr edilib.
Mövcud standartlara görə, işəgötürənin təşəbbüsü ilə, o cümlədən 14 yaşınadək uşaqları olan tək ana və atalarla və ya bu yaşda olan uşaqları anasız böyüdən digər şəxslərlə əmək müqaviləsinin ləğv edilməsinə yol verilmir. Qanun layihəsində uşaqların yaşının 16 yaşa qədər artırılması ilə bu normanın dəyişdirilməsi təklif edilir.

Təşəbbüs müəlliflərinin qeyd etdiyi kimi, uşaqlar ümumiyyətlə 16 yaşa qədər əsas ümumi təhsil alırlar, ona görə də onları bu yaşa qədər təkbaşına böyüdən vətəndaşlar dövlət tərəfindən əlavə müdafiəyə ehtiyac duyurlar.

Dövlət Dumasının spikeri Vyaçeslav Volodinin daha əvvəl qeyd etdiyi kimi, 16 yaşından kiçik uşağı tək böyüdən ananın işdən çıxarılması “ailəni dolanışıqsız qoya bilər”. Volodin qeyd edib ki, yeni standartlar tək valideynləri qoruyacaq və işəgötürənlər “öz məsuliyyətlərini dərk edəcəklər”.