Bakı. AzerVoice:
Böyük Britaniya Qəzza müharibəsində atəşkəs üçün beş bəndlik plan irəli sürüb.
AzerVoice-nin məlumatına görə, BMT-nin ali məhkəməsinin İsrailin soyqırım aktlarının qarşısını alması barədə qərarından bir gün sonra İsrail minlərlə sakinə hücum edib.
Böyük Britaniyanın xarici işlər naziri Devid Kemeron bölgəyə son səfəri zamanı İsrail və Fələstin liderləri ilə bu təşəbbüsü müzakirə edib.
Təklif olunan plan Qəzzada saxlanılan əsirlərin azad edilməsini asanlaşdırmaq və daimi atəşkəs haqqında danışıqlar aparmaq üçün hərbi əməliyyatların dərhal dayandırılmasını ehtiva edir.
Bundan əlavə, plan müharibənin bitməsindən sonra işğal olunmuş İordan çayının qərb sahilini və Qəzzanı idarə etmək üçün texnokratik Fələstin hökumətinin yaradılmasını təklif edir.
Atəşkəsin davamlılığını təmin etmək üçün HƏMAS-dan bütün əsirləri azad etməli və regional dövlətlərin təminatları ilə İsrailə qarşı hücumları dayandırmağı öhdəsinə götürməlidir.
Təklifdə Böyük Britaniyanın xarici işlər naziri davamlı atəşkəs əldə etmək və diqqəti maddi və əldə edilə bilən tədbirlərə yönəltmək üçün hərbi əməliyyatlardakı fasilədən istifadə etməyin vacibliyini vurğulayıb.
Məlumat üçün qeyd edək ki, Britaniya oktyabrın 7-dən İsrailin Qəzzaya qarşı müharibəsini dəstəkləyir.
İsrailin soyqırım kampaniyasına qarşı artan daxili etirazlar nəticəsində Böyük Britaniya münaqişə ilə bağlı yanaşmasını dəyişib.
22 dekabr 2023-cü ildə Böyük Britaniya Birləşmiş Millətlər Təşkilatının Təhlükəsizlik Şurasının Qəzzaya humanitar girişin genişləndirilməsini tələb edən 2720 saylı qətnaməsinin lehinə səs verdi, lakin dərhal və hərtərəfli atəşkəsə çağır etmədi.
Hafiz Rufizoğlu
