Bakı. AzerVoice:
Qəzzaya yardımların göndərilməsinə mane olmaq böyük bir fəlakətə gətirib çıxarır.
AzerVoice xəbər verir ki, bu sözləri Türkiyənin xarici işlər naziri Hakan Fidan Tiranada albaniyalı həmkarı İqli Hasani ilə birgə mətbuat konfransında çıxışı zamanı deyib.
"Bu məqamda biz başqa faciə ilə üz-üzəyik. İsrail tərəfindən girov saxlanılan milyonlarla fələstinlinin aclıq təhlükəsi ilə qarşı-qarşıyayıq. Qəzzaya buraxılmayan humanitar yardım və tibbi ləvazimatlar içəridə böyük bir fəlakətin xəbərçisidir. Beynəlxalq ictimaiyyəti müxtəlif üsullardan istifadə etməklə 2 milyon əsirin aclıq və epidemiya xəstəlikləri nəticəsində məhv edilməsinin qarşısını almaq üçün tədbirlər görməyə dəvət edirəm", - deyə o vurğulayıb.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Ötən ilin oktyabrın 7-də Fələstin-İsrail münaqişəsinin yeni mərhələsi başlayandan bəri Qəzza zolağında ölənlərin sayı 26 422 nəfərə çatıb.
