BAKI,AzerVoice
Bazar ertəsi Birləşmiş Ştatlar bütün dünyada kiberhücumlar təşkil etməkdə ittiham edərək, ağ supremasist şəbəkə “Terrorgramı” terror təşkilatları siyahısına daxil edib.AzerVoice xəbər verir ki, ABŞ Dövlət Departamenti bu şəbəkənin üç liderini də terrorçular siyahısına daxil edib, bunlar braziliyalı Çiro Daniel Amorim Ferreyra, xorvatiyalı Noa Lekol və cənubi afrikalı Hendrik Vahl Müllerdir.
Departamentin bəyanatında deyilir ki, “Birləşmiş Ştatlar irqi və ya etnik mənsubiyyətə görə zorakı ekstremizmin yaratdığı qlobal təhlükədən dərin narahatdır və zorakı ağ irqçilərin transmilli komponentləri ilə mübarizə aparmağa sadiqdir”.
“Terrorgram” ABŞ-da yaradılmış ekstremist sağ hərəkatdır və üzvləri arasında ünsiyyət qurmaq üçün adını aldığı “Telegram” sosial şəbəkə tətbiqindən istifadə edir. Hərəkat qaçılmaz hesab etdiyi “etnik müharibənin” başlanmasını sürətləndirməyə yönəlmiş “sürətləndirici” diskursu təbliğ edir. O, dünyada çoxsaylı hücumlar planlaşdırmaqda və ya cəhd etməkdə ittiham olunur.
2022-ci ildə Slovakiyanın paytaxtı Bratislavada geylərin getdiyi barda hücumçu iki kişini öldürmüşdü. Keçən il Türkiyədə 18 yaşlı gənc, hadisələri sosial mediada canlı yayımlanan hücumda məscidin yaxınlığında 5 nəfəri bıçaqlamışdı.
Sentyabr ayında ABŞ-da Terrorqramın iki lideri irqi motivli qətlə təhrik etmək, məmurlara sui-qəsd etmək və infrastrukturu sabotaj etmək ittihamı ilə həbs edilib.
