Bakı, AzerVoice

Fransanın paytaxtı Parisdə keçirilən 33-cü Yay Olimpiya Oyunları çərçivəsində velosiped yolu yarışı kateqoriyasında bir çox nöqtədə Fələstinə dəstək nümayişi keçirilib.

AzerVoice xəbər verir ki, Parisin simvollarından biri olan məşhur Opera Garnier binası da ölkədə Olimpiya Oyunları çərçivəsində təşkil edilən velosiped yolu yarışı marşrutuna daxil edilib.

İdmançılar velosipedləri ilə Parisin 20-ci rayonundan keçərkən, orada Fələstinə dəstək nümayişləri keçirilib.

İdmançıların keçdiyi küçələrdə qrup halında təhlükəsizlik baryerləri arxasında gözləyən nümayişçilər əllərində Fələstin bayraqları və şərfləri taxıblar.

Fələstin bayrağı rəngli köynəklər geyinən nümayişçilər “Azad Fələstin” şüarları səsləndiriblər.

Nümayişçilər əllərində Fələstin bayraqları və hücumlarda həyatını itirən uşaqların fotoşəkilləri olan pankartlar daşıyıblar.

Hafiz Rufizoğlu

Xəbərlərimizi “WhatsApp” kanalımızdan oxuyun