Bakı. AzerVoice

Azərbaycanın Rusiyadakı səfiri Polad Bülbüloğlu Rusiya prezidenti Vladimir Putinin Bakıya səfəri ərəfəsində TASS agentliyinə müsahibə verib.

AzerVoice-un məlumatına görə, səfir müsahibədə Moskvada uzunmüddətli diplomatik missiyasının başa çatmasından danışıb:

"Mən Moskvada 18,5 il çalışmışam. Bu, diplomatik xidmət üçün çoxdur. İndiki mərhələdə mən doğma Şuşanı, rayon sakinlərini parlamentdə təmsil etməyim daha düzgün olardı. Çox ümid edirəm ki, mən seçiləcəm və Qarabağ işğaldan azad olunandan sonra birinci müavin olmaq böyük şərəf olar. Mən ömrümün qalan hissəsini - nə qədər ki, Allah ömür versə - Vətənimin insanları və təbiəti ilə daha çox ünsiyyətə həsr etmək istərdim".

TASS-a müsahibəsində o, atası, görkəmli sovet və Azərbaycan opera müğənnisi Bülbülün Şuşada, Qarabağda anadan olduğunu xatırladıb:

"Torpaqlarımız işğaldan azad ediləndən sonra isə son illərdə mənim taleyim yenidən kiçik vətənimlə sıx bağlı olub. Məsələ bundandır ki, orada atamın doğulduğu ev yerləşir. Və Azərbaycan Prezidenti İlham Əliyevin tapşırığı ilə erməni vandalları tərəfindən dağıdılmış bu evi bərpa etdim. İndi orada ev muzeyi fəaliyyət göstərir. Sevinirəm ki, indi Şuşaya çoxlu turistlər gəlir, Bülbülün ev-muzeyini ziyarət edirlər".