Bakı, AzerVoice

Türkiyədə qurulan şirkətlərin sayı iyul ayında əvvəlki aya görə 47 % artaraq 9 min 713, bağlanan şirkətlərin sayı isə 42,9% artaraq 2 min 889-a çatıb.

AzerVoice xəbər verir ki, Türkiyə Palatalar və Birjalar Birliyi (TOBB) iyul ayı üçün qurulan və bağlanan şirkətlərin statistikasını açıqlayıb.

Məlumata görə iyul ayında qurulan şirkətlərin sayı iyun ayına görə 47% artaraq 6 min 606-dan 9 min 713-ə yüksəlib. Eyni dövrdə bağlanan şirkətlərin sayı isə 42,9 faiz artaraq 2 min 889-a çatıb. İyun ayında isə 2022 şirkət bağlanıb.

Ötən ilin eyni ayı ilə müqayisədə iyul ayında qurulan şirkətlərin sayı 4,2 faiz, bağlanan şirkətlərin sayı isə 39,8 faiz artıb.

Qeyd edək ki, iyul ayında qurulan şirkətlərin 681-i xarici birgə kapitallı şirkətlərdir. Bu xarici sərmayəli şirkətdən 434-ü Türkiyədən, 22-si İrandan, 17-si isə Almaniya və Çindən olan tərəfdaşlarla qurulmuşdur.