BAKI, AzerVoice

İran Prezidenti Məsud Pezeşkian ABŞ-ı nüvə proqramı ilə bağlı dialoq təklifinə baxmayaraq, razılaşmaları pozmaqda və İranın nüvə obyektlərinə hücum etməkdə ittiham edib.

AzerVoice xəbər verir ki, bu barədə o, Fransa Prezidenti Emmanuel Makronla telefon danışığı zamanı bildirib.

“Əvvəlcə amerikalılar bizim nüvə proqramımızın dinc məqsədli olduğuna əmin olmaq istədiklərini bildirdilər. Biz dialoqu alqışladıq. Ancaq onlar yalnız razılaşmaları pozmadılar, eyni zamanda sionist rejimlə (yəni İsraillə – red.) tam koordinasiya içində obyektlərimizə hücum etdilər” - deyə, Pezeşkian vurğulayıb.

Qeyd edək ki, ABŞ Hərbi Hava Qüvvələri iyunun 22-ə keçən gecə İran ərazisində yerləşən Fordo, Nətənz və İsfahan nüvə obyektlərinə hava zərbələri endirib. Hücum nəticəsində hər üç nüvə obyektinin məhv edildiyi qeyd olunub.