BAKI, Azervoice, Nərmin Ağayeva
İspaniya hökuməti ABŞ istehsalı olan F-35 qırıcılarının alınması planını dayandıraraq diqqətini Avropa istehsalı Eurofighter və FCAS (Future Combat Aircraft System) layihəsinə yönəldib.
Azervoice xəbər verir ki, “El Pais” qəzeti hökumət mənbələrinə istinadla F-35-lərlə bağlı ilkin danışıqların dayandırıldığını yazıb. 10,5 milyard avroluq əlavə müdafiə büdcəsinin əsas hissəsinin Avropada xərclənməsi qərarı ABŞ-dan təyyarə alınmasını mümkünsüz edib.
Qeyd edək ki, Müdafiə Nazirliyinin mənbələri Europa Press-ə açıqlamalarında F-35 planından qəti şəkildə imtina edildiyini təsdiqləyib. Xatırladaq ki, NATO sammitində İspaniya Baş naziri Pedro Sançes və ABŞ prezidenti Donald Tramp arasında hərbi xərclər və tariflər mövzusunda gərginlik yaşanmışdı.
