Britaniyaya məxsus qırıcı təyyarə Yaponiyada təcili eniş edib
Böyük Britaniyaya məxsus beşinci nəsil F-35B qırıcı təyyarəsi Yaponiyanın Kyuşu adasında yerləşən Kaqosima şəhərinin mülki hava limanına təcili eniş edib. Məlumata görə, hadisə zamanı uçuş-enmə zolağı müvəqqəti bağlanıb və uçuş cədvəli pozulub.
İspaniya F-35 planını ləğv etdi - diqqət Avropa qırıcılarına yönəlib
“El Pais” qəzeti hökumət mənbələrinə istinadla F-35-lərlə bağlı ilkin danışıqların dayandırıldığını yazıb. 10,5 milyard avroluq əlavə müdafiə büdcəsinin əsas hissəsinin Avropada xərclənməsi qərarı ABŞ-dan təyyarə alınmasını mümkünsüz edib. Qeyd edək ki, Müdafiə Nazirliyinin mənbələri Europa Press-ə açıqlamalarında F-35 planından qəti şəkildə imtina edildiyini təsdiqləyib. Xatırladaq ki, NATO sammitində İspaniya Baş naziri Pedro Sançes və ABŞ prezidenti Donald Tramp arasında hərbi xərclər və tariflər mövzusunda gərginlik yaşanmışdı.
