Bakı. AzerVoice:
Çin İsrailin hücumları altında olan Qəzzada dərhal atəşkəs çağırışını yeniləyib.
AzerVoice xəbər verir ki, bu barədə İsrail-Fələstin məsələsinin müzakirə edildiyi BMT İnsan Haqları Şurasının 55-ci Sessiyasında Çinin BMT Cenevrə ofisindəki daimi nümayəndəsi Çin Şu ölkəsi adından çıxışı zamanı bildirib.
“Dərhal atəşkəs beynəlxalq ictimaiyyətin tələbidir və sülh əldə edilməsi üçün əsas tələbdir", - deyə o vurğulayıb.
İsraili soyqırımın qarşısının alınması üçün Beynəlxalq Ədalət Məhkəməsinin müvəqqəti tədbirləri və göstərişlərini yerinə yetirməyə çağıran Çin, Qəzzada humanitar yardım təşkilatlarının fəaliyyətinə icazə verilməli olduğunu vurğulayıb.
Qeyd edək ki, 29 fevral tarixində Qəzza şəhərinin cənubundakı Dovar ən-Nablusi yaxınlığında yüzlərlə fələstinli yardım gözləyərkən İsrail tərəfindən atəşə tutulub.
İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 mindən çox fələstinli həlak olub, 70 mindən çox adam isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.
İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.
