Bakı, AzerVoice

İsrail Parlamenti (Knesset) İordan çayının qərbində Fələstin dövlətinin yaradılmasını rədd edən qətnaməyə səs verib.

AzerVoice xəbər verir ki, Fələstin dövlətinin yaradılmasını rədd edən səslər arasında baş nazir Binyamin Netanyahunun rəhbərlik etdiyi sağçı dini koalisiyadan və Benni Qantsın rəhbərlik etdiyi “Müxalifət Partiyası”ndan olan partiyalar iştirak edib.

Qətnamədə 7 oktyabr hadisələrindən sonra Fələstin dövlətinin yaradılmasını “terrorçulara mükafat” kimi səciyyələndirilib. Belə bir mükafatın yalnız HƏMAS hərəkatını həvəsləndirəcəyi, HƏMAS hərəkatının isə Fələstindən İsrailə qarşı hücumlar təşkil edəcəyi bildirilib.

Qətnaməyə əsasən, “İsrail torpağının qəlbində” Fələstin dövlətinin yaradılması “İsrail dövləti və onun vətəndaşları üçün ekzistensial təhlükə” təşkil edəcək və bu, İsrail-Fələstin münaqişəsini davam etdirərək qeyri-sabitliyi artıracaq.

Qərarla bağlı səsvermə 120 səsdən 68 səs çoxluğu ilə, ərəb partiyalarının 9 əleyhinə səsi ilə nəticələnib. Knessetin verdiyi məlumata görə, qalanları səsvermədə iştirak etməyib və ya bitərəf qalıb.

Bildirilib ki, müxalifət lideri Yair Lapidin rəhbərlik etdiyi “Yeş Atid” (“Gələcək var”) partiyası qətnaməyə səs verməyib.