BAKI, AzerVoice
İsrailin maliyyə naziri Betsalel Smotriç, Qəzzadan girovların geri qaytarılmasının İsrail hökuməti üçün “ən vacib hədəf” olmadığını bildirib.
AzerVoice xəbər verir ki, nazir "İsrail Qali Radiosu"na verdiyi müsahibədə deyib.
“Həqiqəti deməliyik, girovların geri qaytarılması ən vacib məsələ deyil. Bu, şübhəsiz ki, olduqca vacib bir məqsəddir, lakin əgər biz HƏMAS təşkilatını məhv etmək istəyiriksə ki, artıq 7 oktyabr hadisəsi təkrarlanmasın, o zaman başa düşməliyik ki, Qəzzada HƏMAS’ın qalması mümkünsüzdür.” - deyə Smotriç qeyd edib.
Smotriç'in bu açıqlamaları girovların ailələrindən sərt reaksiya alıb. Ailələr bəyanat yayaraq, maliyyə nazirinin “utanc verici” açıqlamalar verdiyini bildirib. Bəyanatda deyilir: “Nazir ən azından bu acı həqiqəti ictimaiyyətə açıq şəkildə bəyan etdi – bu hökumət girovları qəsdən tərk etmək qərarına gəlib.”
Girovların ailələri həmçinin, “Smotriç, tarix sənə şahid olacaq – qardaşların və bacıların əsirlikdə olduğu halda ürəyini onlara bağladın və onları xilas etməmək yolunu seçdin” deyə bəyan ediblər.
Smotriç şənbə günü həmçinin Qəzza zolağının "tam işğalına və lazım gəldikdə İsrailin hərbi idarəçiliyinə keçməsinə" çağırıb. O, “X” platformasında (keçmiş Twitter) yazaraq bildirib: “Bu, təhlükəsizliyimizi təmin etməyin yoludur, həmçinin girovların ölkəyə tezliklə qaytarılmasının da yoludur.”
Bununla yanaşı, nazirin mövqeyini İsrailin baş naziri Benyamin Netanyahu da dəstəkləyib. Smotriç bildirib ki, baş nazirin mövqeyi ilə tam razıdır: Qəzza müharibəsi HƏMAS təşkilatının tam məğlubiyyəti və Qəzzadan çıxarılması ilə yekunlaşmalıdır.
